Книга Паралипоменон

За книгами Царств следуют две книги Хроник, написанные за 300 лет до Рождества Христова. В них день за днем запечатлены события истории "избранного народа". Подробно описано и толкуется происхождение различных народов мира. Книга включает в себя 1-ю и 2-ю Паралипоменон - канонические книги Танаха и Ветхого Завета, чьё авторство традиционно приписывается Ездре (Эзре). Являются обобщённой летописью священной библейской истории, начиная с родословия человечества от Адама, колен Израиля, войн Давида, строительства Храма и заканчивая вавилонским пленением.

Первая Паралипоменон, 1

Адáмъ, Си́ѳъ, Енóсъ,
Каинáнъ, Малелеи́лъ, Иáредъ,
Енóхъ, Маѳусáлъ, Ламéхъ,
Нóе, си́мъ, Хáмъ, Иáфеѳъ.
Сы́нове Иáфеѳовы: Гамéръ и Магóгъ и Мадáй, Иовáнъ, Елисá и Ѳовéлъ, и Мосóхъ и Ѳи́расъ.
Сы́нове же Гамéровы: Асханáзъ и Рифáѳъ и Ѳоргамá.
Сы́нове же Иовáни: Елисá и Ѳарси́съ, и Хетти́мъ и додани́мъ.
Сы́нове же Хáмовы: Хýсъ и месраи́мъ, Фýдъ и Ханаáнъ.
Сы́нове же Хýсовы: Савá и Евилá, и Саваѳá и Регмá и Севеѳахá. Сы́нове же Регмáновы: Савá и Дадáнъ.
Хýсъ же роди́ Неврóда: сéй начá бы́ти исполи́нъ ловéцъ на земли́.
Месраи́мъ же роди́ лодiи́ма и Анамiи́ма, и Лавiи́ма и нефѳосеи́мы,
и фаѳерои́мы и патросонiи́мы, и хаслои́мы, от ни́хже изыдóша Филисти́ми, и кафѳорiи́мы.
Ханаáнъ же роди́ Сидóна пéрвенца своегó и Хеттéа,
и Иевусéа и Аморрéа, и Гергесéа
и Евéа, и Арукéа и Асенéа,
и Арадíа и Самарéа и Амаѳíа.
Сы́нове же Си́мовы: Елáмъ и Ассýръ, и Арфаксáдъ и Лýдъ и Арáмъ. Сы́нове же Арáмли: ýзъ и У́лъ, и геѳéръ и Мосóхъ.
Арфаксáдъ же роди́ Каинáна, Каинáнъ же роди́ Салý, Салá же роди́ Евéра.
Евéру же роди́стася двá сы́на: и́мя еди́ному Фалéкъ, я́ко бо дни́ егó раздѣлéна бы́сть земля́, и и́мя брáту егó Иектáнъ.
Иектáнъ же роди́ Елмодáда и Салéфа, и Асермóѳа и Иадéра,
и Адорáма и узáла, и дéклу
и гамаáла, и Авимеи́ла и сáву,
и Уфи́ра и Евилáта и Иоáва: вси́ сíи сы́нове Иектáновы.
Сы́нове же Си́мовы: Арфаксáдъ, Каинáнъ, Салá,
Евéръ, Фалéкъ, Рагáвъ,
Серýхъ, Нахóръ, Ѳáра,
Аврáмъ, тóй éсть Авраáмъ.
Сы́нове же Авраáмли: Исаáкъ и Исмáилъ.
Сíи же рóди и́хъ: пéрвенецъ Исмáиловъ Наваióѳъ и Кидáръ, и Навдеи́лъ и мавсáнъ,
и Масмá и Идумá, и Массíй и Ходдáдъ, и Ѳемáнъ
и Иетýръ, и Нафéсъ и Кедмá: сíи сýть сы́нове Исмáили.
Сы́нове же Хеттýры подлóжницы Авраáмовы, и роди́ емý Зомврáна и Иезáна, и Мадáла и Мадiáма, и Иесвóка и суéа. Сы́нове же Иезáни: Савá и Дедáнъ. Сы́нове же Дедáновы: Рагуи́лъ и Навдеи́лъ, и Ассурiи́мъ и Латусiи́мъ и Асоми́нъ.
Сы́нове же Мадiáмли: гефáръ и Офéръ, и Енóхъ и Авидá и Елдáдъ: вси́ тíи сы́нове Хеттýрини. Роди́ же Авраáмъ Исаáка.
Сы́нове же Исаáковы Исáвъ и Изрáиль.
Сы́нове же Исáвовы: Елифáзъ и Рагуи́лъ, и Иевýлъ и Иеглóмъ и Корéй.
Сы́нове Елифáзовы: Ѳемáнъ и Омáръ, и Софáръ и Гоѳáмъ и Кенéзъ. Ѳáмна же подлóжница Елифáзова роди́ емý Амали́ка.
Сы́нове же Рагуи́левы: нахéѳъ и Зарé, и соммé и Мозé.
Сы́нове же Сии́ровы: Лотáнъ и Совáлъ, и Севегóнъ и Анá, и Дисóнъ и Асáръ и Рисóнъ.
Сы́нове же Лотáни: Хорри́ и Емáнъ, и сестрѣ́ Лотáня Ѳамнá.
Сы́нове же Совáли: Адуáръ и Манаáѳъ, и увáлъ и саифи́ и онáнъ. Сы́нове же Севегóни: Аiá и онáмъ.
Сы́нове же Анáни: Дисóнъ и Еливамá, дщи́ Анáня, двóе. Сы́нове же Дисóновы: Амадá и есевáнъ, и еѳрáнъ и Харрáнъ.
Сы́нове же Асáровы: Валаáмъ и занáнъ и илакáнъ, и сы́нове Дисóни: О́съ и Аррáнъ.
И сíи цáрiе и́хъ, и́же цáрствоваша въ земли́ Едóмли, прéжде нéже бы́сть цáрь надъ сыны́ Изрáилевыми: Валáкъ сы́нъ Веóровъ, и и́мя грáду егó Деннавá:
ýмре же Валáкъ, и цáрствова вмѣ́сто егó Иовáвъ, сы́нъ Зáринъ, от Восóрры.
И ýмре Иовáвъ, и цáрствова вмѣ́сто егó Асóмъ от земли́ Ѳеманóни.
И ýмре Асóмъ, и цáрствова вмѣ́сто егó Адáдъ, сы́нъ Варáдовъ, и́же порази́ Мадiáма на пóли Моáвли: и и́мя грáду егó Гетѳéмъ.
И ýмре Адáдъ, и цáрствова вмѣ́сто егó самаá от мессеккáса.
И ýмре самаá, и цáрствова вмѣ́сто егó Саýлъ от Роовóѳа, и́же бли́зъ рѣки́.
У́мре же Саýлъ, и цáрствова вмѣ́сто егó Валаеннóнъ сы́нъ Аховóровъ.
И ýмре Валаеннóнъ, и цáрствова вмѣ́сто егó Адáдъ сы́нъ Варáдовъ, егóже грáду и́мя бѣ́ Фогóръ и и́мя женѣ́ егó Метевеи́ль, дщéрь Матраи́ѳа.
И ýмре Адáдъ, и начáша бы́ти кня́зи Едóмли: кня́зь Ѳемáнъ, кня́зь алýа, кня́зь Иеѳáфъ,
кня́зь Еливамá, кня́зь Илá, кня́зь Финóнъ,
кня́зь Кенéзъ, кня́зь Ѳемáнъ, кня́зь вамаи́лъ,
кня́зь гамеси́лъ, кня́зь Арерамáнъ. Сíи бы́ша кня́зи Едóмстiи.

Первая Паралипоменон, 2

Сы́нове же Изрáилевы сíи сýть: Руви́мъ, Симеóнъ, Левíй, Иýда, Иссахáръ, Завулóнъ,
дáнъ, Иóсифъ, Венiами́нъ, Нефѳали́мъ, гáдъ и Аси́ръ.
Сы́нове Иýдины: И́ръ, Авнáнъ и Силóмъ: сíи трié роди́шася емý от дщéре Савы́ Ханани́тяныни. Бы́сть же И́ръ пéрвенецъ Иýдинъ лукáвъ предъ Гóсподемъ: и уби́ егó.
Ѳамáрь же невѣ́стка егó роди́ емý Фарéса и Зáру. Всѣ́хъ сынóвъ Иýдиныхъ пя́ть.
Сы́нове же Фарéсовы: Есрóмъ и Иемуи́лъ.
Сы́нове же зáрины: замврíй и Иѳáмъ, и емуáнъ и калхáдъ и даралéй: всѣ́хъ пя́ть.
Сы́нове же Хармíины Ахáръ, и́же смути́ Изрáиля, и́же сложи́ся на прокля́тiе.
И сы́нове Иѳáмли азарíа.
Сы́нове же Есрóмовы, и́же роди́шася емý: иерамеи́лъ и Арáмъ и халови́.
Арáмъ же роди́ Аминадáва, Аминадáвъ же роди́ Наассóна, кня́зя дóму Иýдину,
Наассóнъ же роди́ Салмóна, и Салмóнъ роди́ воóза,
и воóзъ роди́ ови́да, и ови́дъ роди́ Иессéа.
Иессéй же роди́ пéрвенца своегó Елiáва, и вторáго Аминадáва, и трéтiяго самéа,
и четвéртаго наѳанаи́ла, и пя́таго реи́ла,
и шестáго Асáка, и седмáго дави́да.
И сестры́ и́хъ бы́ша: саруíа и Авигéа. Сы́нове же саруи́ны: Авéсса и Иоáвъ и Асаи́лъ, трié сíи.
Авигéа же роди́ Амéссу, егóже отéцъ бы́сть Иоѳóръ Исмáилтянинъ.
И халéвъ сы́нъ Есрóмовъ поя́ женý азýву и иерióѳу. И сíи сы́нове ея́: Иасáръ и сувáвъ и Ардóнъ.
И ýмре азýва, и взя́ себѣ́ халéвъ женý Ефрáѳу, я́же роди́ емý о́ра,
о́ръ же роди́ урíю, и урíа роди́ веселеи́ла.
По сéмъ же вни́де Есрóмъ ко дщéри Махи́ра отцá Галаáдова, и сéй поя́ ю́, сы́й въ лѣ́тѣхъ шести́десяти пяти́хъ: и роди́ емý сегýва.
Сегýвъ роди́ Иаи́ра, и бѣ́ша емý двáдесять три́ грáды въ земли́ Галаáдстѣй.
Взя́ же гедсýръ и Арáмъ вéси Иаи́ровы, канáѳъ и сéла егó, шестьдеся́тъ градóвъ. Вси́ тíи сы́нове Махи́ра отцá Галаáдова.
И по умéртвiи Есрóма вни́де халéвъ во Ефрáѳу, женá же Есрóмля Авiá, и роди́ емý Асдóма отцá Ѳекóева.
И бѣ́ша сы́нове иерамеи́ла пéрвенца Есрóмля: рáмъ пéрвенецъ и Ваанá, и Арáмъ и Асóмъ брáтъ егó.
И бѣ́ женá и́на иерамеи́лу, и́менемъ атáра, я́же бы́сть мáти унáмля.
И бы́ша сы́нове рáма пéрвенца иерамеи́ля: маáсъ и Иами́нъ и акóръ.
И бы́ша сы́нове унáмли саммаá и еддáй. Сы́нове же саммáины Надáвъ и Ависýръ.
И и́мя женѣ́ Ависýрове Авигéа: и роди́ емý óзва и моддíа.
Сы́нове же Надáвли Салáдъ и апфаи́нъ: и ýмре Салáдъ не имы́й чáдъ.
И сы́нове апфаи́ни Иесíй: и сы́нъ Иесíевъ сосáнъ: и сы́нове сосáни дадáй.
Сы́нове же дадáини: Ахисамá и Иеѳéръ и Ионаѳáнъ: и ýмре Иеѳéръ не имы́й чáдъ.
Сы́нове же Ионаѳáни Фалéѳъ и зазá. Тíи бы́ша сы́нове иерамеи́ли.
Сосáнъ же не имѣ́ сынóвъ, но тóчiю дщéри, и имя́ше сосáнъ рабá Еги́птянина, и́менемъ иераá:
и дадé сосáнъ дщéрь свою́ иерáю рабý своемý въ женý, и роди́ емý еѳѳéа,
еѳѳéй же роди́ наѳáна, и наѳáнъ роди́ завéда,
завéдъ же роди́ Офлáда, Офлáдъ же роди́ Иови́да,
Иови́дъ же роди́ ииýа, ииýй роди́ азарíю,
азарíа же роди́ хелли́са, и хелли́съ роди́ Елеáса,
Елеáсъ же роди́ сосомáiа, и сосомáй роди́ Саллýма,
Саллýмъ же роди́ Иекóмiю, и Иекóмiа роди́ Елисáма.
Сы́нове же халéва брáта иерамеи́ля, Марисá пéрвенецъ егó: тóй отéцъ зи́фовъ: и сы́нове Марисы́ отцá Хеврóнова.
И сы́нове хеврóни: Корéй и Ѳафýй, и рекóмъ и самаá.
Самаá же роди́ раéма, отцá иеркаáнова, иеркаáнъ же роди́ саммáа.
Сы́нъ же саммáинъ маóнъ, и маóнъ отéцъ веѳсýровъ.
Гéфа же подлóжница халéвова роди́ Арáна и мосáа и газéра: Арáнъ же роди́ гази́за.
Сы́нове же Аддаи́ни: Регмá и Иоаѳáмъ, и Гирсóмъ и Фалéтъ, и гéфа и сегáвъ.
И подлóжница халéвова Мохá роди́ Севéра и Ѳархáна.
Роди́ же сагáфъ отцá Мадминáева, и Саýла отцá Мадéвина, и отцá аговдáева, и дщи́ халéвова Асхá.
Сíи бя́ху сы́нове халéвовы, сы́нове о́ра пéрвенца Ефрáѳова: Совáлъ, отéцъ карiаѳiари́мовъ,
и соломóнъ отéцъ Виѳлеéмовъ, и Ари́мъ отéцъ веѳгедóровъ.
Бы́ша же сы́нове Совáлу отцý карiаѳiари́млю: Араá и есíй, и Аммани́ѳъ
и умасфáе, и карiаѳiари́мъ и Мифиѳи́мъ, и Исамаѳи́мъ и Исамареи́мъ: от тѣ́хъ изыдóша сараѳéе и есѳаголéе.
Сы́нове же соломóни: Виѳлеéмъ и нетофáтъ и атарóѳъ, дóму Иоáвля, и полови́на Манаѳи́евъ Исараи́,
отéчества пи́сарей обитáющихъ во Иави́сѣ, Ѳаргаѳiи́мъ и самаѳiи́мъ и сохаѳи́мъ: сíи сýть кинéе, и́же прiидóша от Емáѳа, отцá дóму рихáвля.

Первая Паралипоменон, 3

Сíи же бы́ша сы́нове дави́довы, и́же роди́шася емý въ Хеврóнѣ: перворождéнный Амнóнъ от Ахинаáмы Иезраили́тиды: вторы́й далуíа от Авигéи карми́лскiя:
трéтiй Авессалóмъ сы́нъ маáхи, дщéре Ѳоломíа царя́ гесýрска: четвéртый Адóнiа сы́нъ Агги́ѳинъ:
пя́тый Сафатíа от Авитáлы: шесты́й Иеѳраáмъ от аглáи жены́ егó:
шéсть роди́шася емý въ Хеврóнѣ, идѣ́же цáрствова сéдмь лѣ́тъ и шéсть мéсяцъ: и три́десять три́ лѣ́та цáрствова во Иерусали́мѣ.
И сíи роди́шася емý во Иерусали́мѣ: самаá и Совáвъ, и наѳáнъ и соломóнъ, четы́ри от вирсавíи дщéре Амiи́ловы:
и евáръ и Елисамá, и Елифалéтъ
и наги́съ, и Нафéкъ и Иафié,
и Елисамá и Елiадáкъ и Елифалéтъ, дéвять.
Вси́ сы́нове дави́дова кромѣ́ сынóвъ подлóжничихъ и Ѳамáры сестры́ и́хъ.
Сы́нове же соломóни: ровоáмъ, Авíа сы́нъ егó, áса сы́нъ егó, Иосафáтъ сы́нъ егó,
Иорáмъ сы́нъ егó, Охозíа сы́нъ егó, Иоáсъ сы́нъ егó,
Амасíа сы́нъ егó, Озíа сы́нъ егó, Иоаѳáмъ сы́нъ егó,
Ахáзъ сы́нъ егó, езекíа сы́нъ егó, Манассíа сы́нъ егó,
Амóнъ сы́нъ егó, Иосíа сы́нъ егó.
Сы́нове же Иосíины: пéрвенецъ Иоахáзъ, вторы́й Иоаки́мъ, трéтiй седекíа, четвéртый Селлýмъ.
Сы́нове же Иоаки́мовы: Иехонíа сы́нъ егó, седекíа сы́нъ егó.
Сы́нове же Иехонíины: Аси́ръ, Салаѳiи́ль сы́нъ егó,
Мелхирáмъ, фадаíа и Анесáръ, и Иезекíа и осамóнъ и Савадíа.
Сы́нове же Салаѳiи́левы: зоровáвель и семéй. Сы́нове же зоровáвелевы: мосоллáмъ и Ананíа, и Салими́нъ сестрá и́хъ,
и Асувéа и оéлъ, и Варахíа и Асадíа и Асовéдъ, пя́ть.
Сы́нове же Ананíины: Фалтiáсъ, и Иесíа сы́нъ егó, Рафáлъ сы́нъ егó, орнá сы́нъ егó, Авдíа сы́нъ егó, сехенíа сы́нъ егó,
и сы́нъ сехенíинъ самéа. И сы́нове самéины: хаттýсъ и Иои́лъ, и веррíа и ноадíа и сáфъ, шéсть.
И сы́нове ноадíины: Елiонéй и езекíа и езрикáмъ, трié.
Сы́нове Елiонéевы: уадíа и Елiасевóнъ, и фадаíа и акаýмъ, и Иоанáнъ и далéа и Анáнъ, сéдмь..

Первая Паралипоменон, 4

И сы́нове хеллáни: Серéѳъ и Саáръ и есѳанáмъ.
Коé же роди́ Енóва и совивá и рождéнiе брáта рихáва, сы́на Иари́мля.
Бы́сть же Иави́съ честнѣ́йшiй брáтiи своея́: и мáти егó наречé и́мя егó въ болѣ́зни.
И призвá Иави́съ Бóга Изрáилева, глагóля: áще благословля́я благослови́ши менé и распространи́ши предѣ́лы моя́, и бýдетъ рукá твоя́ со мнóю, и сотвори́ши мя́ во уразумѣ́нiе, éже не смири́ти мя́. И дадé емý Бóгъ вся́, ели́ка проси́хъ éсть.
Халéвъ же отéцъ Асхáнь роди́ Махи́ра: сы́й отéцъ Ассаѳóновъ.
И Ассаѳóнъ роди́ саѳрéѳу и фессíю, и Ѳáна отцá грáда Наáса, брáта селóма Кенезíина и Ахáзова: сíи мýжiе рихáвли.
Сы́нове же Кенезíины: Гоѳонiи́лъ и сараíа. Сы́нове же Гоѳонiи́левы Аѳáѳъ.
Манаѳáй же роди́ гофорá, и сараíа роди́ Иорáма, отцá гисасарiи́мля, занé худóжницы бы́ша.
Сы́нове же халéва сы́на Иефоннíина И́ръ, Илá и Наáмъ. Сы́нове же илы́ Кенéзъ.
Сы́нове же Амели́мли: зи́фъ и зéфа, и Ѳирíа и есери́лъ.
Сы́нове же Еври́ны: Иеѳéръ, морáдъ, и Афéръ и Иамóнъ: и роди́ Иеѳéръ марóна, и семéю, и Иесвý отцá гедóрова и отцá есѳамóня.
Женá же егó сiя́ Адíа роди́ емý Иáреда отцá гедóря, и Авéра отцá сохóня, и ехфiи́ля, отцá занóня. Сíи же сы́нове веѳѳíи дщéре фараóновы, ю́же поя́тъ мори́лъ.
И сы́нове жены́ Идумéаныни, сестры́ ханéма и далíа отцá кеи́ла, и Симеóнъ отéцъ Иомáмовъ. И сы́нове наи́мовы отцá кеи́лова: гармíй и есѳемонíй и́же изъ Махáѳы.
Сы́нове же Симеóни: Амнóнъ и рамнóнъ сы́нъ Анáнь и Ѳимнóнъ. И сы́нове еси́: зохáѳъ, и сы́нове зохáѳовы.
Сы́нове Силóма, сы́на Иýдина: И́ръ отéцъ лихáвль, и лаáда отéцъ марисáнь: и плéмя дóму дѣ́лателей виссóна въ домý есовы́,
и Иоаки́мъ, и мýжiе хозивá и Иоáсъ и сарáфъ, и́же всели́шася въ Моáвѣ: и возврати́ и́хъ Аведи́ръ въ маѳукiи́мъ.
Сíи скудéльницы обитáющiи во атаи́мѣ и гади́рѣ съ царéмъ, и въ цáрствѣ егó укрѣпи́шася и всели́шася тáмо.
Сы́нове Симеóни: намуи́лъ и Иами́нъ и Иари́въ, Сáре, Саýлъ.
Салéмъ сы́нъ егó, Масáнъ сы́нъ егó, Масмá сы́нъ егó,
Амуи́лъ сы́нъ егó, Савýдъ сы́нъ егó, закхýръ сы́нъ егó, семéй сы́нъ егó.
Сы́нове же семéины шестьнáдесять и дщéрей шéсть. Брáтiямъ же и́хъ не бы́ша сы́нове мнóзи, и вся́ племенá и́хъ не умнóжишася я́коже сы́нове Иýдины,
и обитáху въ вирсавéи и Савáдѣ, и монáдѣ и во есерсуáлѣ,
и въ Валаáи и во Асéмѣ, и во Ѳолáдѣ
и въ Ваѳуи́лѣ, и въ éрмѣ и въ Сикелáи,
и во веѳмаримóѳѣ и во имисусеоси́нѣ и въ домý Варусеори́мли: сíи грáды и́хъ дáже до царя́ дави́да,
и сéла и́хъ: етáмъ и и́нъ, рамнóнъ и Ѳоккáнъ и есáръ, градóвъ пя́ть.
И вся́ вéси и́хъ о́крестъ градóвъ си́хъ, дáже до Ваáла: сié обдержáнiе и́хъ и раздѣлéнiе и́хъ.
Мосовáвъ же и Иемолóхъ, и Иосíа сы́нъ Амасíевъ,
и Иои́ль и ииýй сы́нъ Асавíевъ, сы́нъ сарáевъ, сы́нъ Асiи́ль,
и Елiонáй и Иокáва, и Иасуíа и Асéа, и Иедiи́лъ и Исмáилъ и ванéа
и зузá сы́нъ Сафеíевъ, сы́на алóня, сы́на Иедiи́на, сы́на семри́ня, сы́на самеи́на.
Сíи произшéдшiи во и́менѣхъ князéй, въ рóдѣхъ свои́хъ и въ дóмѣхъ отéчествъ свои́хъ умнóжишася во мнóжество,
и поидóша да вни́дутъ въ Герáры дáже до востóкъ дéбри взыскáти пáжити скотóмъ свои́мъ:
и обрѣтóша пáжити премнóги и блáги: и земля́ прострáнна предъ ни́ми, и ми́ръ и покóй, занé прéжде обитáху от сынóвъ Хáмовыхъ тáмо.
И прiидóша сíи напи́саннiи имены́ во дни́ езекíи царя́ Иýдина и поби́ша жи́телей и́хъ и обитáнiе, и́хже обрѣтóша тý, и искорени́ша и́хъ дáже до днé сегó: и всели́шася вмѣ́сто и́хъ, я́ко пáжить скотóмъ и́хъ бя́ше тáмо.
От си́хъ же от сынóвъ Симеóнихъ идóша въ гóру Сии́ръ мужéй пя́ть сóтъ, и Фалтíа и ноадíа, и Рафаíа и Озiи́лъ, сы́нове Иéсы, кня́зи и́хъ:
и поби́ша остáнки остáвшыяся от Амали́ка, и всели́шася тáмо дáже до днé сегó.

Первая Паралипоменон, 5

Сы́нове же Руви́ма пéрвенца Изрáилева: я́ко тóй пéрвенецъ: и внегдá емý взы́ти на лóже отцá своегó, дадé благословéнiе егó сы́ну своемý Иóсифу, сы́ну Изрáилеву, и не бы́сть [тóй] вмѣнéнъ въ пéрвенство,
я́ко Иýда си́ленъ крѣ́постiю и въ брáтiи своéй, и въ вождá изъ негó, и благословéнiе Иóсифу.
Сы́нове Руви́ма пéрвенца Изрáилева: Енóхъ и Фаллýсъ, Асрóнъ и Хармíй.
Сы́нове Иои́левы: семéй и ванéа сы́нъ егó. Сы́нове же гóга сы́на семéина:
сы́нъ егó Михá, сы́нъ егó рихá, сы́нъ егó Ваáлъ,
векрá сы́нъ егó, егóже пресели́ Ѳаглафалласáръ цáрь Ассирíискiй: сéй бы́сть кня́зь колѣ́на Руви́мова.
И брáтiя егó во отéчествѣ своéмъ, въ исчислéнiихъ свои́хъ, по родóмъ и́хъ, кня́зь Иои́ль и захáрiа,
и Валéкъ сы́нъ азýзовъ, сы́нъ сáммы, сы́нъ Иои́левъ: тóй обитá во Арои́рѣ и въ навáнѣ и веелмаóнѣ,
и проти́ву востóка обитá дáже до вхóда пусты́ни, от рѣки́ Евфрáта, я́ко скóтъ и́хъ мнóгъ въ земли́ Галаáдстѣй.
Во дни́ же Саýла возведóша брáнь проти́ву агáрянъ: и падóша въ рукáхъ и́хъ обитáющiи въ жили́щахъ свои́хъ вси́ къ востóку Галаáдску.
Сы́нове гáдовы пря́мо и́хъ обитáша въ земли́ Васáни до селхá:
Иои́ль пéрвенецъ, и Сафáмъ вторы́й, и Иани́нъ кни́жникъ Васáнскiй.
И брáтiя и́хъ, по домóмъ отéчествъ и́хъ: Михаи́лъ и мосоллáмъ, и Савéй и Иóра, и Иохáнъ и Иовíа и ови́дъ, сéдмь.
Сíи сы́нове Авихаи́ла сы́на Рувíина, и Адди́, сы́на Галаáдова, сы́на Михаи́лова, сы́на Иессéина, сы́на Иедáина, сы́на вýзова,
брáта сы́на Авдiи́лова, сы́на гунíина, кня́зь дóму отéчествъ и́хъ.
Обитáша въ Галаáдѣ, въ Васáнѣ и въ вéсехъ и́хъ и во всѣ́хъ окрéстныхъ сарóнскихъ, дáже до исхóда.
Вси́ сíи сочтéни бы́ша во дни́ Иоаѳáма царя́ Иýдина и во дни́ иеровоáма царя́ Изрáилева.
Сы́нове Руви́мовы и гáдовы и полплéмене Манассíина [би́ша] сы́нове си́льни, мýжiе нося́ще щиты́ и мечы́ и напрязáюще лýки и научéни брáни, четы́редесять и четы́ри ты́сящы и сéдмь сóтъ и шестьдеся́тъ, исходя́щiи на ополчéнiе.
И твори́ша брáнь со агáряны и итурéаны, и Нафисéаны и Надавéаны,
и укрѣпи́шася надъ ни́ми: и предáшася въ рýцѣ и́хъ агáряне и вся́ обитáнiя и́хъ, занé къ Бóгу воззвáша во брáни, и услы́ша и́хъ, занé уповáша на негó.
И плѣни́ша имѣ́нiя и́хъ, велблю́довъ пятьдеся́тъ ты́сящъ, и овéцъ двѣ́сти пятьдеся́тъ ты́сящъ, и ослóвъ двѣ́ ты́сящы, и дýшъ человѣ́ческихъ стó ты́сящъ:
рáненiи же мнóзи падóша, занé [бы́сть] от Бóга брáнь: и всели́шася вмѣ́сто и́хъ дáже до преселéнiя.
И полплéмене Манассíина всели́шася въ земли́ от Васáна дáже до Ваáла ермóня и сани́ра и горы́ аермóнски: и сíи въ Ливáнѣ умнóжишася.
И сíи [бы́ша] кня́зи дóму отéчествъ и́хъ: гофéръ и Иеси́, и Елiи́лъ и иеремíа, и Иодýiа и Иедiи́лъ, мýжiе си́льни въ крѣ́пости, мýжiе имени́тiи, кня́зи по домóмъ отéчествъ свои́хъ.
И остáвиша Бóга отéцъ свои́хъ и соблуди́ша вслѣ́дъ богóвъ людíй земли́, и́хже потреби́ Бóгъ от лицá и́хъ:
и воздви́же Бóгъ Изрáилевъ дýхъ Фýла царя́ Ассирíйска и дýхъ Ѳаглафалласáра царя́ Ассирíйска, и пресели́ Руви́ма и гáда и полплéмене Манассíина, и введé и́хъ во аллáнъ и Иовóръ, и во Арáнъ и на рѣкý гозáнъ, дáже до днé сегó.

Первая Паралипоменон, 6

Сы́нове Левíи: герсóнъ, Каáѳъ и Мерáри.
Сы́нове же Каáѳовы: Амрáмъ и Иссаáръ, Хеврóнъ и Озiи́лъ.
Сы́нове же Амрáмли: Аарóнъ и Моисéй и Марiáмъ. Сы́нове же Аарóновы: Надáвъ и Авiýдъ, Елеазáръ и Иѳамáръ.
И Елеазáръ роди́ Финеéса, и Финеéсъ роди́ Авiýда,
и Авiýдъ роди́ воккíа, и воккíй роди́ Озíю,
Озíа же роди́ сарéа, и сарéй роди́ Марióѳа,
Марióѳъ же роди́ Амарíю, Амарíа же роди́ Ахитóва,
Ахитóвъ же роди́ садóка, и садóкъ роди́ Ахимаáса,
Ахимаáсъ же роди́ азáрiю и азáрiа роди́ Иоанáна,
Иоанáнъ же роди́ азáрiю, тóй éсть азáрiа, и́же свящéнствова въ домý, егóже создá соломóнъ во Иерусали́мѣ.
Роди́ же азáрiа Амарíю, и Амарíа роди́ Ахитóва,
Ахитóвъ же роди́ садóка, и садóкъ роди́ Селлýма,
и Селлýмъ роди́ хелкíю, и хелкíа роди́ азáрiю,
и азáрiа роди́ сарéа, и сарéй роди́ Иоседéка.
Иоседéкъ же изы́де, егдá пресели́ Госпóдь Иýду и Иерусали́ма рукóю навуходонóсора въ Вавилóнъ.
Сы́нове же Левíини: герсóнъ, Каáѳъ и Мерáри.
И сiя́ именá сынóвъ герсóнихъ: Ловенíй и семéй.
Сы́нове же Каáѳовы: Амрáмъ и Иссаáръ, Хеврóнъ и Озiи́лъ.
Сы́нове же Мерáрины: Мооли́ и муси́. И сíи рóди Левíини по отéчествомъ и́хъ.
Герсóнови: Ловенíй сы́нъ егó, Иéѳъ сы́нъ егó, сéмна сы́нъ егó,
Иóла сы́нъ егó, áддо сы́нъ егó, Зáра сы́нъ егó, Иеѳри́ сы́нъ егó.
Сы́нове Каáѳовы: иссаáръ сы́нъ егó, Аминадáвъ сы́нъ егó, Корéй сы́нъ егó, Аси́ръ сы́нъ егó,
Елкáна сы́нъ егó, Ависáфъ сы́нъ егó, Аси́ръ сы́нъ егó,
Каáѳъ сы́нъ егó, урiи́лъ сы́нъ егó, Озíа сы́нъ егó, Саýлъ сы́нъ егó.
Сы́нове же Елкáновы: Амаси́ сы́нъ егó, Амióѳъ сы́нъ егó,
Елкáна сы́нъ егó, суфíй сы́нъ егó, и Наáѳъ сы́нъ егó,
Елiáвъ сы́нъ егó, иеремеи́лъ сы́нъ егó, Елкáна сы́нъ егó, самуи́лъ сы́нъ егó.
Сы́нове же самуи́ли: пéрвенецъ егó Иои́ль и вторы́й Авíа.
Сы́нове же Мерáрины: Мооли́ сы́нъ егó, Ловенíй си́мъ егó, семéй сы́нъ егó, Озíа сы́нъ егó,
саммаá сы́нъ егó, Анáнiй сы́нъ егó, Асаíа сы́нъ егó.
Сíи же сýть, и́хже постáви дави́дъ надъ пѣвцы́ въ домý Госпóдни, егдá постáви кивóтъ:
и бя́ху служáще предъ ски́нiею дóму свидѣ́нiя въ пѣ́нiи, дóндеже создá соломóнъ дóмъ Госпóдень во Иерусали́мѣ, и стоя́ху по чи́ну своемý въ служéнiи своéмъ.
И сíи предстоя́щiи и сы́нове и́хъ от сынóвъ Каáѳовыхъ: Емáнъ пѣвéцъ сы́нъ Иои́ля, сы́на самуи́лева,
сы́на Елкáнова, сы́на еремеи́лева, сы́на Елiáвля, сы́на Наáѳова,
сы́на сýфова, сы́на Елканáева, сы́на Амióѳова, сы́на Амáсова,
сы́на Елкáнова, сы́на Иои́лева, сы́на азарíева, сы́на Сафанíева,
сы́на маáѳова, сы́на Ассéрова, сы́на Авiасáфова, сы́на Аси́рова, сы́на Корéова,
сы́на Аминадáвова, сы́на Исаáрова, сы́на Каáѳова, сы́на Левíина, сы́на Изрáилева:
и брáтъ егó Асáфъ, и́же стоя́ша одеснýю егó: Асáфъ сы́нъ Варахíи, сы́на самаáева,
сы́на Михаи́лова, сы́на Маси́лова, сы́на Мелхíева,
сы́на Аѳанíева, сы́на зарáева, сы́на Адаíева,
сы́на иѳáмова, сы́на земми́на, сы́на семеíева,
сы́на Иеéѳова, сы́на герсóнова, сы́на Левíина.
Сы́нове же Мерáрины брáтiя и́хъ ошýюю: еѳáмъ сы́нъ хусíи, сы́на Авдíина, сы́на малóхова,
сы́на Савíева, сы́на Амасíева, сы́на хелкíева,
сы́на Амасíева, сы́на ванíина, сы́на семи́рова,
сы́на Моолíина, сы́на мусíева, сы́на Мерáрина, сы́на Левíина.
Брáтiя же и́хъ по домóмъ отéчествъ и́хъ, леви́тяне даны́ во вся́кое дѣ́ло служéнiя ски́нiи дóму Бóжiя:
и Аарóнъ и сы́нове егó кадя́ху надъ олтарéмъ всесожжéнiй и надъ олтарéмъ ѳимiáма во вся́кое дѣ́ло святы́хъ святы́мъ, и да мóлятся за Изрáиля по всемý, ели́ка повелѣ́ Моисéй рáбъ Бóжiй.
Сíи же сы́нове Аарóни: Елеазáръ сы́нъ егó, Финеéсъ сы́нъ егó, Авiýдъ сы́нъ егó,
вокхíй сы́нъ егó, Озíй сы́нъ егó, сарéй сы́нъ егó,
Марióѳъ сы́нъ егó, Амарíа сы́нъ егó, Ахитóвъ сы́нъ егó,
садóкъ сы́нъ егó, Ахимаáсъ сы́нъ егó.
И сiя́ обитáнiя и́хъ, по сéламъ и́хъ и въ предѣ́лѣхъ и́хъ, сынóмъ Аарóнимъ плéмени Каáѳову, тѣ́мъ бо бы́сть жрéбiй:
и дáша и́мъ Хеврóнъ въ земли́ Иýдинѣ и подгрáдiя егó о́крестъ егó:
и сéла грáда и вéси егó дáша халéву сы́ну Иефоннíину.
Сынóмъ же Аарóнимъ дáша грáды убѣ́жищъ: Хеврóнъ и подгрáдiя егó, и лóвну и подгрáдiя ея́, и алóмъ и окрéстная егó,
и келóмъ и окрéстная егó, и дави́ръ и окрéстная егó,
и Асáнъ и подгрáдiя егó, и веѳсами́съ и подгрáдiя егó, и веѳсýръ и подгрáдiя егó:
от колѣ́на же Венiами́нова гаваóнъ и подгрáдiя егó, и Еламóѳъ и подгрáдiя егó, и Еламвéй и подгрáдiя егó, и Анаѳóѳъ и подгрáдiя егó: всѣ́хъ градóвъ и́хъ тринáдесять, градóвъ по племенéмъ и́хъ.
И сынóмъ Каáѳовымъ остáвшымся от плéмене рóда, от полуплéмене Манассíина, дáша по жрéбiю дéсять градóвъ.
И сынóмъ герсóнимъ по плéменемъ и́хъ от колѣ́на Иссахáрова и от колѣ́на Аси́рова, и от колѣ́на Нефѳали́мова и от колѣ́на Манассíина въ Васáнѣ, грáды тринáдесять.
И сынóмъ Мерáринымъ по плéменемъ и́хъ от колѣ́на Руви́мова и от колѣ́на гáдова и от колѣ́на Завулóня дáша по жрéбiю градóвъ дванáдесять.
Дáша же сы́нове Изрáилевы леви́томъ грáды и подгрáдiя и́хъ.
Дáша же по жрéбiю от колѣ́на сынóвъ Иýдиныхъ и от колѣ́на сынóвъ Симеóнихъ и от колѣ́на сынóвъ Венiами́нихъ грáды сiя́, и́хже назвáша имены́ [свои́ми].
И от племéнъ сынóвъ Каáѳовыхъ, и бы́ша грáды предѣ́ловъ и́хъ от колѣ́на Ефрéмова:
и дáша и́мъ грáды убѣ́жищъ: Cихéмъ съ подгрáдiями егó въ горѣ́ Ефрéмовѣ и газéръ съ подгрáдiями егó,
и екмаáнъ съ подгрáдiями егó, и веѳорóнъ и подгрáдiе егó,
и Елóнъ съ подгрáдiями егó, и геѳремóнъ съ подгрáдiями егó:
и от полови́ны колѣ́на Манассíина Анеи́ръ и подгрáдiя егó, и Иевлаáмъ и подгрáдная егó, по плéмени сынóмъ Каáѳовымъ остáвшымся.
Сынóмъ герсóнимъ от отéчествъ полуплéмене Манассíина гавлóнъ от Васáна и подгрáдная егó, и Асирóѳъ съ подгрáдными егó:
и от колѣ́на Иссахáрова Кедéсъ съ подгрáдными егó, и Надáръ съ подгрáдными егó,
и рамóѳъ и подгрáдная егó, и Енáнъ съ подгрáдными егó:
и от колѣ́на Аси́рова Масíю съ подгрáдными егó, и рамóѳъ и подгрáдiе егó,
и акáкъ и подгрáдiе егó, и роóвъ съ подгрáдными егó:
и от колѣ́на Нефѳали́мля Кáдисъ въ Галилéи и подгрáдная егó, и хамóѳъ съ подгрáдными егó, и карiаѳаи́мъ и подгрáдная егó.
И сынóмъ Мерáринымъ остáвшымся от колѣ́на Завулóня реммóнъ и подгрáдная егó, и Ѳавóръ съ подгрáдными егó,
и за Иордáномъ иерихóнъ проти́ву востóка Иордáнова: от колѣ́на Руви́мова Восóръ въ пусты́ни съ подгрáдными егó, и éсса съ подгрáдными егó,
и кадимóѳъ и подгрáдная егó, и моапсáѳъ съ подгрáдными егó:
и от колѣ́на гáдова раммóѳъ Галаáдскiй и подгрáдная егó, и наи́мъ съ подгрáдными егó,
и есевóнъ съ подгрáдными егó, и Иази́ръ съ подгрáдными егó.

Первая Паралипоменон, 9

И вéсь Изрáиль сочтéнъ éсть: и сé, сýть пи́саны въ кни́зѣ царéй Изрáилевыхъ и Иýдиныхъ со пресели́вшимися въ Вавилóнъ за беззакóнiя своя́, и́миже беззакóнноваша.
И и́же обитáша пéрвѣе во одержáнiихъ свои́хъ во градѣ́хъ Изрáилевыхъ, свящéнницы и леви́ти и вдáннiи [на служéнiе].
И во Иерусали́мѣ обитáша от сынóвъ Иýдиныхъ и от сынóвъ Венiами́нихъ и от сынóвъ Ефрéмлихъ и Манассíиныхъ:
уѳíй сы́нъ Амiýды сы́на Амврíина, сы́на Амвраи́мова, сы́на ванíина, сы́на сынóвъ Фарéса сы́на Иýдина:
и от Силóна Асаíа пéрвенецъ егó и сы́нове егó:
от сынóвъ же Зáры Иеи́лъ и брáтiя и́хъ шéсть сóтъ и дéвятьдесятъ.
И от сынóвъ Венiами́нихъ: сахóмъ сы́нъ Васоллáма, сы́на одуíева, сы́на санýина:
и Иевнаá сы́нъ иеровоáмовъ и Елáвъ: и сíи сы́нове Озíи сы́на Махи́рова: и мосоллáмъ сы́нъ Сафатíи, сы́на Рагуи́лева, сы́на Иевáня.
Брáтiя же и́хъ по родóмъ и́хъ дéвять сóтъ пятьдеся́тъ шéсть, вси́ мýжiе кня́зи племенéмъ по домóмъ отéчествъ свои́хъ.
От свящéнникъ же Иодáiа и Иоари́мъ, и Иоаки́мъ
и азáрiа сы́нъ хелкíи, сы́на мосоллáмова, сы́на садóкова, сы́на марарióѳова, сы́на Ахитóва начáлника дóму Бóжiя:
и Адiáмъ сы́нъ иероáмль, сы́на фасгóра, сы́на Мелхiáева, и маасíй сы́нъ Адiи́ла, сы́на ези́рова, сы́на мосоллáмля, сы́на Маселимóѳова, сы́на Еммáрова.
Брáтiя же и́хъ кня́зи по домóвъ отéчествъ свои́хъ, ты́сяща и сéдмь сóтъ и шестьдеся́тъ, си́льни крѣ́постiю къ дѣ́ланiю служéнiя въ домý Бóжiи.
От Леви́тъ же самéiа сы́нъ Асýвовъ, сы́на езрикáмова, сы́на Савíева от сынóвъ Мерáриныхъ,
ваквакáръ же и Ари́съ, и гарéа и маѳанíа сы́нъ Михáевъ, сы́на зехри́, сы́на Асáфова:
и Авдíа сы́нъ самéа, сы́на Гали́лова, сы́на Идиѳýня, и Варахíа сы́нъ áссы, сы́на Елкáнова, и́же обитá во двóрѣхъ нетофáѳовыхъ.
Двéрницы же: Селлýмъ и акýмъ, и телмóнъ и Еммáнъ, и брáтiя и́хъ: Селлýмъ кня́зь.
И дáже досéлѣ во вратѣ́хъ цáрскихъ къ востóку: сiя́ вратá на ополчéнiя сынóвъ Левíиныхъ.
И Селлýмъ сы́нъ Корéа, сы́на Авiасáфова, сы́на Корéова: и брáтiя егó по дóму отéчествъ и́хъ, Корéане надъ дѣлáми служéнiя стрегýще стражбы́ ски́нiи: а отцы́ и́хъ надъ полкóмъ Госпóднимъ, стрегýще вхóда.
Финеéсъ же сы́нъ Елеазáровъ бы́сть вóждь и́хъ предъ Гóсподемъ, и сíи съ ни́мъ.
Захáрiа сы́нъ мосоллáмовъ, двéрникъ врáтъ ски́нiи свидѣ́нiя.
Вси́ избрáннiи двéрницы надъ враты́ двѣ́сти дванáдесять, сíи въ сéлѣхъ свои́хъ сочтéни: си́хъ постáви дави́дъ и самуи́лъ прови́децъ въ вѣ́рѣ и́хъ.
И сíи и сы́нове и́хъ [бы́ша] при вратѣ́хъ дóму Госпóдня и въ домý ски́нiи стрещи́ почерéдно.
По четы́ремъ вѣ́тромъ бы́ша двéри къ востóку, къ зáпаду, къ сѣ́веру, къ ю́гу.
Брáтiя же и́хъ, и́же живя́ху въ сéлѣхъ свои́хъ, прихождáху по седми́ днéхъ от врéмене дáже до врéмене [на премѣ́ну тѣ́мъ]:
понéже четы́ремъ двéрникомъ си́льнымъ ввѣ́рени бы́ша двéри: и леви́ти бы́ша надъ храни́лищи, и надъ сокрóвищи дóму Бóжiя ополчáхуся,
и о́крестъ дóму Бóжiя живя́ху: я́ко на ни́хъ бѣ́ стражбá и́хъ: и сíи надъ ключáми, éже ýтро ýтро отверзáти двéри святи́лища.
От тѣ́хъ же [бя́ху] надъ сосýды служéнiя, по числý бо вношáху сосýды и по числý изношáху я́.
От тѣ́хъ же постáвлени надъ сосýды и надъ всѣ́ми сосýды святы́ми, и надъ мукóю пшени́чною и винóмъ и елéемъ, и ѳимiáмомъ и аромáты.
От сынóвъ же свящéнническихъ бѣ́ша мировáрцы, ми́ро содѣ́ловаху изъ аромáтъ.
И маттаѳíа от Леви́тъ, сéй пéрвенецъ Селлýму Корéанину, емýже ввѣ́рена дѣлá жéртвы сковрáдныя вели́каго жерцá:
и ванéа Кааѳи́тянинъ от брáтiй и́хъ надъ хлѣ́бы предложéнiя, éже уготовля́ти въ суббóты и суббóты.
И сíи псалмопѣ́вцы кня́зи отéчествъ леви́тскихъ, опредѣлéни почерéдно во хрáминахъ, повседнéвно, я́ко да дéнь и нóщь своé служéнiе отслýживаютъ.
Сíи кня́зи отéчествъ леви́тскихъ по племенéмъ свои́мъ, начáлницы сíи пребывáху во Иерусали́мѣ.
Въ гаваóнѣ же живя́ше отéцъ гаваóнь Иеи́ль: и и́мя женѣ́ егó маахá:
и сы́нъ пéрвенецъ егó Авдóнъ, и Сýръ и ки́съ, и вáель и ни́ръ, и Надáвъ
и гедóръ, и брáтiя егó Аiýнъ и зехрíа и макелóѳъ.
Макелóѳъ же роди́ самý: и сíи всели́шася посредѣ́ брáтiй свои́хъ во Иерусали́мѣ съ брáтiями свои́ми.
Ни́ръ же роди́ ки́са, и ки́съ роди́ Саýла, и Саýлъ роди́ Ионаѳáна и Мелхисýа, и Аминадáва и Иесваáла.
Сы́нъ же Ионаѳáнь мемфиваáлъ: и мемфиваáлъ роди́ ми́ху.
Сы́нове же ми́хи: филóѳъ и Мелхiи́лъ, и Ѳараá и хаáзъ.
Хаáзъ же роди́ Иáду, Иáда же роди́ Алéѳа и Асмóѳа и замврíа: замврíй же роди́ мéсу,
мéса же роди́ Ваáну: Рафéа сы́нъ егó, Елáса сы́нъ егó, Асаи́лъ сы́нъ егó.
Асаи́лу же [бы́ша] шéсть сынóвъ, и сiя́ именá и́хъ: езрикáмъ пéрвенецъ егó, и Исмáилъ и азáрiа, и Авдíа и Анáнъ и áса: сíи сы́нове Асаи́ловы.

Первая Паралипоменон, 10

Филисти́ми же воевáша проти́ву Изрáиля, и бѣжáша мýжiе Изрáилевы от лицá иноплемéнническа и падóша рáнени на горѣ́ гелвуи́.
И погнáша иноплемéнницы вслѣ́дъ Саýла и вслѣ́дъ сынóвъ егó: и уби́ша иноплемéнницы Ионаѳáна и Аминадáва и Мелхисýа, сынóвъ Саýловыхъ.
И отягчи́ся брáнь на Саýла, и обрѣтóша егó стрѣлцы́ въ лýкахъ и въ трудѣ́хъ, и изнемóже от стрѣ́лъ.
И речé Саýлъ къ нося́щему орýжiе егó: извлецы́ мéчь твóй и прободи́ мя́ и́мъ, да не когдá прiи́дутъ необрѣ́заннiи сíи и поругáются мнѣ́. И не восхотѣ́ нося́й орýжiе егó, я́ко убоя́ся зѣлó. И взя́ Саýлъ мéчь и нападé нáнь.
И ви́дѣ нося́й орýжiе егó, я́ко ýмре Саýлъ, и нападé и óнъ на мéчь свóй и ýмре.
И ýмре Саýлъ и три́ сы́на егó въ дéнь о́нъ: и вéсь дóмъ егó кýпно ýмре.
И ви́дѣша вси́ мýжiе Изрáилевы, и́же во юдóли, я́ко побѣжá Изрáиль, и я́ко ýмре Саýлъ и сы́нове егó, и остáвиша грáды своя́ и побѣгóша: и прiидóша иноплемéнницы и всели́шася въ ни́хъ.
И бы́сть заýтра, и прiидóша иноплемéнницы совлачáти пáдшихъ коры́сти, и обрѣтóша Саýла и сынóвъ егó пáдшихъ на горѣ́ гелвуи́:
и обнажи́ша егó, и взя́ша главý егó и орýжiе егó, и послáша въ зéмлю иноплемéнничу, да обнóсится [и покáжется] и́доломъ и́хъ и лю́демъ:
орýжiя же и́хъ положи́ша въ кáпищи бóга своегó: и главý егó поткнýша въ кáпищи дагóновѣ.
И услы́шаша вси́ живýщiи во Иави́сѣ Галаáдстѣмъ вся́, я́же Филисти́ми сотвори́ша Саýлу и сынóмъ егó и Изрáилю:
и востáша от Галаáда вси́ мýжiе крѣ́пцыи, и прiидóша и взя́ша трýпъ Саýловъ и трýпъ сынóвъ егó, и принесóша и́хъ во Иави́съ, и погребóша кóсти и́хъ подъ дýбомъ во Иави́сѣ: и пости́шася сéдмь днíй.
И ýмре Саýлъ за беззакóнiя своя́, и́миже беззакóннова Гóсподеви по словеси́ Госпóдню, понéже не сохрани́, я́ко вопроси́ Саýлъ волшéбницы éже вопроси́ти, и отвѣщá емý самуи́лъ прорóкъ.
И не взыскá Гóспода Саýлъ: сегó рáди уби́ егó и возврати́ цáрство егó дави́ду сы́ну Иессéеву.

Первая Паралипоменон, 12

И сíи прiидóша ко дави́ду въ Сикелáгъ, егдá ещé обдержи́мь бя́ше от лицá Саýла сы́на ки́сова: и сíи от си́льныхъ помогáюще во брáни,
напрязáюще лýкъ десны́ми и шýими рукáми, и прáщницы кáменемъ и стрѣлáми, от брáтiй Саýловыхъ от [колѣ́на] Венiами́на:
кня́зь Ахiéзеръ, и Иоáсъ сы́нъ самáа гаваѳи́та, и Иезiи́лъ, и Фали́ѳъ, сы́нове замóѳовы, и Варахíа, и ииýа Анаѳоѳи́тинъ,
и самаíа гаваони́тинъ, си́льный посредѣ́ три́десятихъ и надъ три́десятiю, и иеремíа, и Иезекíиль, и Иоаннáнъ, и Иозавáѳъ гадараѳи́тинъ,
Елiозíй, и иеримýѳъ, и Ваалíа, и самарíа, и Сафатíа Арýфинъ,
Елкáна, и Иесíа, и Иелiи́лъ, и Иезаáръ, и Иесваáмъ, кори́тяне,
и Иоилá, и завадíа, сы́нове иероáмли, и и́же от гедóра.
И от гадди́ прибѣгóша къ дави́ду, [егдá тая́шеся] въ пусты́ни, мýжiе крѣ́пцы и бойцы́ нарóчити, держáщiи щиты́ и кóпiя: ли́ца же и́хъ я́ко ли́ца львóва, и легцы́ я́ко сéрны на горáхъ скóростiю:
азéръ въ пéрвыхъ, Авдíа вторы́й, алiáдъ трéтiй,
Масмáнъ четвéртый, иеремíа пя́тый,
Иеѳѳíа шесты́й, Елiи́лъ седмы́й,
Иоанáнъ осмы́й, Ельзавéль девя́тый,
иеремíа деся́тый, Махавенáй первыйнáдесять.
Сíи от сынóвъ гáдовыхъ кня́зи вóинстiи, еди́нъ надъ стóмъ мáлый, вели́кiй же надъ ты́сящею:
сíи и́же преидóша Иордáнъ мéсяца пéрваго: и сéй напóлненъ во всѣ́хъ брéзѣхъ свои́хъ: и изгнáша всѣ́хъ, и́же живя́ху въ юдóлѣхъ от востóкъ дáже до зáпадъ.
Прiидóша же от сынóвъ Венiами́нихъ и Иýдиныхъ на пóмощь дави́ду.
И изы́де дави́дъ во срѣ́тенiе и́мъ и речé и́мъ: áще ми́рно прiидóстѣ ко мнѣ́, да бýдетъ сéрдце моé тáкожде къ вáмъ: áще же предáти мя́ супостáтомъ мои́мъ не во и́стинѣ руки́, да ви́дитъ Бóгъ отéцъ нáшихъ и сýдитъ.
И облечé Дýхъ Амасíю кня́зя надъ три́десятiю, и речé: иди́, дави́да сы́не Иессéевъ, и лю́дiе твои́: ми́ръ, ми́ръ тебѣ́, и ми́ръ помóщникомъ твои́мъ, я́ко тебѣ́ помогáетъ Бóгъ твóй. И воспрiя́тъ и́хъ дави́дъ и постáви и́хъ князéй си́лъ.
И от Манассíи прибѣгóша къ дави́ду, егдá идя́ху иноплемéнницы на Саýла на брáнь, и не помóже и́мъ дави́дъ, я́ко совѣ́тъ бы́ти у воевóдъ иноплемéнничихъ, глагóлющихъ: съ главáми мужéй си́хъ обрати́тся ко господи́ну своемý Саýлу.
И егдá идя́ше дави́дъ въ Сикелáгъ, прибѣгóша къ немý от Манассíи еднáй и Иозавáѳъ, и Иавни́лъ и Михаи́лъ и Иосафáѳъ и Елiу́ и Салаѳíй, кня́зи надъ ты́сящами у Манассíи:
сíи дáша пóмощь дави́ду на пóлчище геддýровъ, вси́ бо крѣ́пцы си́лою: и бѣ́ша крѣ́пцы начáлницы въ вóинствѣ си́лою.
Занé на вся́къ дéнь прихождáху къ дави́ду на пóмощь емý, въ си́лу вели́ку, áки си́ла Бóжiя.
И сiя́ именá князéй вóинства, и́же прiидóша ко дави́ду въ Хеврóнъ, да возвратя́тъ цáрство Саýлово къ немý по словеси́ Госпóдню:
сы́нове Иýдины нося́щiи щиты́ и кóпiя шéсть ты́сящъ и óсмь сóтъ, крѣ́пцы ко ополчéнiю:
от сынóвъ Симеóнихъ, крѣ́пцы си́лою на ополчéнiе сéдмь ты́сящъ и стó:
от сынóвъ Левíиныхъ четы́ри ты́сящы и шéсть сóтъ:
и Иóдда кня́зь от колѣ́на Аарóня, и съ ни́мъ три́ ты́сящы и сéдмь сóтъ:
и садóкъ, óтрокъ крѣ́пкiй си́лою, и дóму отцá егó кня́зи двáдесять двá:
от сынóвъ же Венiами́нихъ брáтiй Саýловыхъ три́ ты́сящы, и ещé бóлшая чáсть и́хъ наблюдáше стражбý дóму Саýля:
и от сынóвъ Ефрéмлихъ двáдесять ты́сящъ и óсмь сóтъ крѣ́пцы си́лою, мýжiе имени́тiи по домóмъ отéчествъ и́хъ:
и от полуплéмене Манассíина осмьнáдесять ты́сящъ, и и́же нарекóшася и́менемъ, да постáвятъ царéмъ дави́да:
от сынóвъ Иссахáровыхъ мýжiе учéни, и́же познавáху временá разсуждéнiю, чтó сотвори́ти и́мать Изрáиль, въ начáла и́хъ двѣ́сти, и вся́ брáтiя и́хъ съ ни́ми:
и от Завулóна исходя́щiи ко ополчéнiю брáни, со вся́кими орýжiи брáнными, пятьдеся́тъ ты́сящъ, въ пóмощь дави́ду не съ прáздными рукáми:
и от Нефѳали́ма князéй ты́сяща, и съ ни́ми въ щитáхъ и съ кóпiями три́десять и сéдмь ты́сящъ:
и от сынóвъ дáновыхъ ополчáющiися на брáнь двáдесять óсмь ты́сящъ и шéсть сóтъ:
и от Аси́ра исходя́щiи помощи́ въ брáни четы́редесять ты́сящъ:
и со óныя страны́ Иордáна от сынóвъ Руви́мовыхъ и от гáдовыхъ и от полуплéмене Манассíина во всéмъ орýжiи брáннѣмъ стó и двáдесять ты́сящъ.
Вси́ сíи мýжiе брáннiи упрáвлени ко ополчéнiю сéрдцемъ ми́рнымъ: и прiидóша въ Хеврóнъ, да постáвятъ царя́ дави́да надъ всѣ́мъ Изрáилемъ: и прóчiи от Изрáиля еди́но сéрдце бя́ху, да цáрь бýдетъ дави́дъ.
Бы́ша же тý съ дави́довъ три́ дни́, ядýще и пiю́ще, уготóваша бо и́мъ брáтiя и́хъ.
И и́же бли́зъ и́хъ бя́ху дáже до Иссахáра и Завулóна и Нефѳали́ма, приношáху и́мъ на ослѣ́хъ и велблю́дѣхъ, и мскáхъ и волѣ́хъ пи́щу, мукý, перевя́сла смóквей и грóздiе сухóе, винó и елéй, и волы́ и овны́ во мнóжествѣ, рáдость бо бы́сть во Изрáили.

Первая Паралипоменон, 13

И сотвори́ совѣ́тъ дави́дъ [со кня́зи] и ты́сящники, и сóтники и всѣ́ми начáлники,
и речé дави́дъ ко всемý собрáнiю Изрáилеву: áще угóдно вáмъ, и от Гóспода Бóга нáшего благопоспѣши́тся, да пóслемъ къ брáтiямъ нáшымъ остáвшымся во всéй земли́ Изрáилевѣ, и съ ни́ми свящéнницы и леви́ти, во градѣ́хъ обдержáнiя и́хъ, да соберýтся къ нáмъ,
и да принесéмъ кивóтъ Бóга нáшего къ нáмъ, не взыскáхомъ бо егó во дни́ Саýли.
И отвѣщá всé собрáнiе, да тáко бýдетъ, занé угóдно бы́сть слóво сié всѣ́мъ лю́демъ.
И собрá дави́дъ всегó Изрáиля от предѣ́лъ Еги́петскихъ дáже до вхóда имáѳова, éже внести́ кивóтъ Бóжiй от грáда Иари́ма.
И принесé егó дави́дъ: и вéсь Изрáиль взы́де во грáдъ дави́довъ, и́же бя́ше Иýдинъ, éже вознести́ тáмо кивóтъ Гóспода Бóга сѣдя́ща на херуви́мѣхъ, идѣ́же при́звано éсть и́мя егó:
и постáви кивóтъ Бóжiй на колесни́цу нóву изъ дóму Аминадáвля: óза же и брáтiя егó ведя́ху колесни́цу:
дави́дъ же и вéсь Изрáиль игрáху предъ Бóгомъ всéю си́лою и въ пѣ́снѣхъ и въ гýслехъ, и псалти́ри и тимпáнѣхъ, и кимвáлѣхъ и въ трубáхъ:
и прiидóша ко гумнý хидóню: и прострé óза рýку свою́, да поддержи́тъ кивóтъ, юнéцъ бо уклони́ егó:
и прогнѣ́вася Госпóдь гнѣ́вомъ на óзу и порази́ егó тý, тогó рáди, я́ко прострé рýку свою́ [и прикоснýся] кивóту, и ýмре тý предъ Бóгомъ.
И оскорби́ся дави́дъ, я́ко пресѣчé Госпóдь пресѣчéнiемъ óзу, и наречé мѣ́сто тó пресѣчéнiе озáне, дáже до днé сегó.
И убоя́ся дави́дъ Бóга въ тóй дéнь, глагóля: кáко внесý ко мнѣ́ кивóтъ Бóжiй?
И не возврати́ дави́дъ кивóта къ себѣ́ во грáдъ дави́довъ, но возврати́ и́ въ дóмъ Аведдáра геѳéина:
и пребывáше кивóтъ Бóжiй въ домý Аведдáровѣ три́ мéсяцы, и благослови́ Бóгъ Аведдáра и вся́, я́же имѣ́яше.

Первая Паралипоменон, 14

И послá хирáмъ цáрь ти́рскiй послы́ къ дави́ду, и древá кéдровл, и здáтелей стѣ́нъ, и древодѣ́лей, да сози́ждутъ емý дóмъ.
И познá дави́дъ, я́ко уготóва егó Госпóдь царéмъ надъ Изрáилемъ, я́ко воздви́жеся въ высотý цáрство егó, рáди людíй егó Изрáиля,
и поя́тъ дави́дъ ещé жены́ во Иерусали́мѣ: и роди́шася емý ещé сы́нове и дщéри.
И сiя́ именá и́хъ, и́же роди́шася емý во Иерусали́мѣ: саммаá и Совáвъ, наѳáнъ и соломóнъ,
и Иеваáръ и Елисýй и Елифаáѳъ
и нагéѳъ, и Нафáгъ и Иафié,
и Елисамá и Валiадá и Елифалéтъ.
И услы́шаша иноплемéнницы, я́ко помáзанъ бы́сть дави́дъ въ царя́ надъ всѣ́мъ Изрáилемъ, и изыдóша вси́ иноплемéнницы взыскáти дави́да. И услы́ша дави́дъ и изы́де проти́ву и́хъ.
Иноплемéнницы же прiидóша и разлiя́шася во юдóли исполи́новъ.
И вопроси́ дави́дъ Бóга, глагóля: áще взы́ду на иноплемéнники, и предáси ли и́хъ въ рýки моя́? И речé емý Бóгъ: взы́ди, и предáмъ и́хъ въ рýки твоя́.
И изы́де во Ваáлъ-фараси́нъ, и порази́ и́хъ тáмо дави́дъ. И речé дави́дъ: разсѣчé Бóгъ враги́ моя́ рукóю моéю, я́коже разсѣчéнiе воды́. Сегó рáди наречé и́мя мѣ́сту томý фараси́нъ, разсѣчéнiе.
И остáвиша тáмо бóги своя́ иноплемéнницы, и́хже дави́дъ повелѣ́ сожещи́ огнéмъ.
И приложи́ша ещé иноплемéнницы, и разлiя́шася ещé во юдóли исполи́новъ.
И вопроси́ пáки дави́дъ Бóга. И речé емý Бóгъ: не исходи́ за ни́ми: отврати́ся от ни́хъ, и прiи́деши на ни́хъ пря́мо грýшей:
и бýдетъ егдá услы́шиши глáсъ шýма верхóвъ грýшей, тогдá изы́деши на брáнь, я́ко изы́де Бóгъ предъ тобóю, да порази́тъ полки́ иноплемéннически.
И сотвори́ дави́дъ, я́коже повелѣ́ емý Бóгъ: и порази́ полки́ Филисти́мовъ от гаваóна дáже до гази́ра.
И прослáвися и́мя дави́дово во всѣ́хъ странáхъ, и Госпóдь дадé стрáхъ егó на вся́ язы́ки.

Первая Паралипоменон, 15

И сотвори́ себѣ́ дóмы во грáдѣ дави́довѣ, и уготóва мѣ́сто кивóту Бóжiю, и сотвори́ емý ски́нiю.
Тогдá речé дави́дъ: не лѣ́ть éсть, [да от вся́каго] нóсится кивóтъ Бóжiй, но тóкмо от Леви́тъ, понéже избрá и́хъ Госпóдь носи́ти кивóтъ Госпóдень и служи́ти емý дáже до вѣ́ка.
И собрá дави́дъ вéсь Изрáиль во Иерусали́мъ, да внесéтся кивóтъ Бóжiй на мѣ́сто, éже уготóва емý.
И собрá дави́дъ сынóвъ Аарóновыхъ и леви́ты:
от сынóвъ Каáѳовыхъ урiи́лъ начáлникъ и брáтiя егó, стó двáдесять:
от сынóвъ Мерáриныхъ Асаíа начáлникъ и брáтiя егó, двѣ́сти пятьдеся́тъ:
от сынóвъ герсóнихъ Иои́ль начáлникъ и брáтiя егó, стó три́десять:
от сынóвъ Елисафáнихъ семеíа начáлникъ и брáтiя егó, двѣ́сти:
от сынóвъ Хеврóновыхъ Елiи́лъ начáлникъ и брáтiя егó, óсмьдесятъ:
от сынóвъ Озiи́левыхъ Аминадáвъ начáлникъ и брáтiя егó, стó дванáдесять.
И призвá дави́дъ садóка и Авiаѳáра свящéнники, и леви́ты урiи́ла, Асаíа и Иои́ля, и семеiáна и Елiи́ла и Аминадáва,
и речé къ ни́мъ: вы́, начáлницы отéчествъ леви́тскихъ, освяти́теся вы́ и брáтiя вáша, и принеси́те кивóтъ Гóспода Бóга Изрáилева [на мѣ́сто], идѣ́же уготóвахъ емý:
я́ко прéжде вáмъ не готóвымъ сýщымъ, раздѣли́ Госпóдь Бóгъ нáшъ въ нáсъ, я́ко не взыскáхомъ егó по разсуждéнiю.
И освяти́шася свящéнницы и леви́ти, да внесýтъ кивóтъ Гóспода Бóга Изрáилева.
И взя́ша сы́нове леви́тстiи кивóтъ Бóжiй, я́коже повелѣ́ Моисéй слóвомъ Бóжiимъ по писáнiю, рáмены свои́ми на носи́лѣхъ.
И речé дави́дъ начáлникомъ Леви́тскимъ: постáвите брáтiю свою́ пѣвцéвъ во оргáнѣхъ, пѣ́снехъ мусикíйскихъ, псалти́рехъ, въ гýслехъ и кимвáлѣхъ, да возглася́тъ въ высотý глáсомъ весéлiя.
И постáвиша леви́ти Емáна сы́на Иои́лева: и от брáтiй егó Асáфа сы́на Варахíина: и от сынóвъ Мерáриныхъ, брáтiй егó, еѳáна сы́на кисéова:
и съ ни́ми брáтiя и́хъ, вторíи [чи́номъ], захáрiа и Озiи́лъ, и семiрамóѳъ и Иеiи́лъ, и Анáнiй и Елiáвъ, и ванéа и маасíа, и маттаѳíа и Елифалá, и макенíа и Авдедóмъ, и Иеiи́лъ и Озíа, двéрницы.
И пѣвцы́ Емáнъ, Асáфъ и еѳáмъ въ кимвáлы мѣ́дяны [возглашáюще] въ слы́шанiе:
захáрiа же и Озiи́лъ, и семiрамóѳъ и Иеiи́лъ, и Ананíй и Елiáвъ, и маасíа и ванéа со гýсльми тáйны поя́ху:
и маттаѳíа и Елифалá, и макенíа и Авдедóмъ, и Иеiи́лъ и Озíа въ кимвáлѣхъ поя́ху, éже превзы́ти:
и хоненíа начáлникъ леви́тскiй, начáлникъ пѣ́нiй, занé разýменъ бѣ́:
и Варахíа и Елкáна двéрницы кивóта:
и совенíа и Иосафáтъ, и наѳанáилъ и Амасíа, и захáрiа и ванáй и Елiезéръ свящéнницы трубя́щiи трубáми предъ кивóтомъ Бóжiимъ: и Авдедóмъ и Иеíа двéрницы кивóта Бóжiя.
И бѣ́ дави́дъ и старѣ́йшины Изрáилевы и ты́сящницы идýщiи, éже изнести́ кивóтъ завѣ́та Госпóдня изъ дóму Авдедóмля съ весéлiемъ.
И бы́сть егдá укрѣпля́ше Бóгъ леви́ты нося́щыя кивóтъ завѣ́та Госпóдня, и пожрóша сéдмь телцéвъ и сéдмь овнóвъ:
дави́дъ же бя́ше одѣ́янъ ри́зою виссóнною, и вси́ леви́ти, нося́щiи кивóтъ завѣ́та Госпóдня, пѣвцы́ же и хоненíа начáлникъ пѣ́сней пою́щихъ, на дави́дѣ же бѣ́ Ефýдъ виссóнный.
И вéсь Изрáиль провождáше кивóтъ завѣ́та Госпóдня съ восклицáнiемъ и глáсомъ трýбнымъ, и съ трубáми и кимвáлы, глашáюще въ гýсли и киѳáры.
И бы́сть егдá прiи́де кивóтъ завѣ́та Госпóдня дáже до грáда дави́дова, и Мелхóла дщи́ Саýля смотря́ше во окнó, и ви́дѣ царя́ дави́да скáчуща и игрáюща и уничижи́ егó въ сéрдцы своéмъ.

Первая Паралипоменон, 16

Принесóша ýбо кивóтъ Бóжiй и постáвиша егó посредѣ́ ски́нiи, ю́же водрузи́ емý дави́дъ, и принесóша всесожжéнiя и спаси́телная предъ Гóсподемъ.
И соверши́ дави́дъ вознося́ всесожжéнiя и спаси́телная, и благослови́ лю́ди во и́мя Госпóдне,
и раздѣли́ вся́кому мýжу Изрáилску, от мýжа дáже до жены́, мýжу хлѣ́бъ еди́нъ печéный, [и чáсть печéна мя́са,] и пря́женый со елéемъ семидáлъ:
постáви же предъ лицéмъ кивóта завѣ́та Госпóдня от Леви́тъ, éже служи́ти и возглашáти [дѣлá егó], и исповѣ́дати и хвали́ти Гóспода Бóга Изрáилева:
Асáфъ начáлникъ, и другíй по нéмъ захáрiа, Иеiи́лъ и семiрамóѳъ, и Иеiи́лъ и маттаѳíа, и Елiáвъ и ванéа и Авдедóмъ: Иеiи́лъ же во оргáнѣхъ и псалти́ри и гýслехъ, Асáфъ же въ кимвáлѣхъ возглашáя:
и ванéа и Озiи́лъ свящéнницы [труби́ша] вы́ну въ трубы́ предъ кивóтомъ завѣ́та Бóжiя.
Въ тóй дéнь устрóи дави́дъ въ начáлѣ хвали́ти Гóспода рукóю Асáфа и брáтiи егó.
Пѣ́снь. Исповѣ́дайтеся Гóсподеви и призывáйте егó во и́мени егó, знáема сотвори́те лю́демъ начинáнiя егó:
пóйте емý и воспóйте емý, повѣ́дите вся́ чудесá егó, я́же сотвори́ Госпóдь:
хвали́те и́мя святóе егó, да возвесели́тся сéрдце и́щущее благоволéнiя егó:
взыщи́те Гóспода и укрѣпи́теся, взыщи́те лицá егó вы́ну:
помяни́те чудесá егó, я́же сотвори́, знáменiя и судьбы́ ýстъ егó,
сѣ́мя Изрáилево, раби́ егó, сы́нове Иáковли, избрáннiи егó.
Тóй Госпóдь Бóгъ нáшъ, во всéй земли́ судьбы́ егó.
Помянéмъ во вѣ́къ завѣ́тъ егó, слóво егó, éже заповѣ́длъ въ ты́сящы родóвъ,
éже завѣщá Авраáму, и кля́тву свою́ Исаáку:
и постáви é Иáкову въ повелѣ́нiе, Изрáилю въ завѣ́тъ вѣ́ченъ,
глагóля: тебѣ́ дáмъ зéмлю Ханаáню, ýже достоя́нiя вáшего.
Внегдá бы́ти и́мъ мáлымъ числóмъ, я́ко умáлишася и пресели́шася въ ню́,
и преидóша от язы́ка въ язы́къ и от цáрствiя къ лю́демъ ины́мъ,
не остáви мýжа оби́дѣти и́хъ, и обличи́ о ни́хъ цари́:
не прикасáйтеся помáзаннымъ мои́мъ, и во прорóцѣхъ мои́хъ не лукáвнуйте.
Воспóйте Гóсподеви, вся́ земля́, возвѣсти́те от днé на дéнь спасéнiе егó,
возвѣсти́те во язы́цѣхъ слáву егó, во всѣ́хъ лю́дехъ чудесá егó,
я́ко вéлiй Госпóдь и хвáленъ зѣлó, стрáшенъ éсть надъ всѣ́ми бóги.
Я́ко вси́ бóзи язы́ковъ и́доли: Госпóдь же нáшъ небесá сотвори́.
Слáва и вели́чество предъ лицéмъ егó, крѣ́пость и похвалá въ мѣ́стѣ егó святѣ́мъ.
Дади́те Гóсподеви, отéчествiя язы́ковъ, дади́те Гóсподеви слáву и крѣ́пость,
дади́те Гóсподеви слáву и́мени егó: возми́те дáры и принеси́те предъ лицé егó, и поклони́теся Гóсподеви во двóрѣхъ святы́хъ егó.
Да убои́тся от лицá егó вся́ земля́, да испрáвится земля́ и да не подви́жится:
да возвеселя́тся небесá и да возрáдуется земля́, и да рекýтъ во язы́цѣхъ: Госпóдь цáрствуетъ.
Да возгласи́тъ мóре и исполнéнiе егó, и древá польскáя, и вся́ я́же на ни́хъ.
Тогдá возвеселя́тся древá дубрáвная предъ лицéмъ Госпóднимъ, я́ко прiи́де суди́ти земли́.
Исповѣ́дайтеся Гóсподеви, я́ко блáгъ, я́ко въ вѣ́къ ми́лость егó,
и глагóлите: спаси́ ны, Бóже, спаси́телю нáшъ, и собери́ нáсъ, и изми́ нáсъ от язы́къ, да хвáлимъ и́мя святóе твоé, и хвáлимся во хвалéнiихъ твои́хъ.
Благословéнъ Госпóдь Бóгъ Изрáилевъ от вѣ́ка дáже и до вѣ́ка. И рекýтъ вси́ лю́дiе: ами́нь. И восхвали́ша Гóспода.
И остáвиша тáмо предъ кивóтомъ завѣ́та Госпóдня Асáфа и брáтiю егó, да слýжатъ предъ кивóтомъ вы́ну по вся́ дни́:
и Авдедóмъ и брáтiя егó, шестьдеся́тъ óсмь: и Авдедóмъ сы́нъ Идиѳýнь и осáй [постáвлени] во двéрники:
садóка же свящéнника и брáтiю егó свящéнниками предъ ски́нiею Госпóднею въ вы́шнихъ и́же въ гаваóнѣ,
да вознóсятъ всесожжéнiя Гóсподеви на олтари́ всесожжéнiй вы́ну ýтро и вéчеръ, и по всѣ́мъ я́же пи́сана сýть въ закóнѣ Госпóдни, ели́ка повелѣ́ сынóмъ Изрáилевымъ рукóю Моисéа рабá Бóжiя:
и съ ни́ми Емáнъ и Идиѳýмъ и прóчiи избрáннiи кíйждо звáнiемъ свои́мъ éже хвали́ти Гóспода, я́ко въ вѣ́къ ми́лость егó:
и съ ни́ми трубы́ и кимвáлы éже возглашáти, и оргáны пѣ́нiй Бóжiихъ: сы́нове же Идиѳýмли во вратѣ́хъ [стоя́ху].
И идóша вси́ лю́дiе кíйждо въ дóмъ свóй, и дави́дъ возврати́ся, да благослови́тъ дóмъ свóй.

Первая Паралипоменон, 17

И бы́сть егдá обитáше дави́дъ въ домý своéмъ, и речé дави́дъ къ наѳáну прорóку: сé, áзъ живý въ домý кéдровѣ, кивóтъ же завѣ́та Госпóдня подъ кóжами.
И речé наѳáнъ къ дави́ду: всé éже въ сéрдцы твоéмъ твори́, я́ко Бóгъ съ тобóю éсть.
И бы́сть нóщи тоя́, и бы́сть слóво Госпóдне къ наѳáну, глагóля:
иди́ и рцы́ дави́ду рабý моемý: сiя́ речé Госпóдь: не сози́ждеши ты́ мнѣ́ дóму, éже обитáти ми́ въ нéмъ:
я́ко не обитáхъ въ домý от днé, въ óньже изведóхъ Изрáиля [от земли́ Еги́петскiя], дáже до днé сегó, но бы́хъ въ ски́нiи и въ шатрѣ́:
во всѣ́хъ áможе ходи́хъ со всѣ́мъ Изрáилемъ, áще глагóля глагóлахъ кóему колѣ́ну Изрáилеву, и́мже повелѣ́хъ да пасýтъ лю́ди моя́, глагóля: чесó рáди не создáсте мнѣ́ дóму кéдрова?
и ны́нѣ тáко рцы́ рабý моемý дави́ду: сiя́ речé Госпóдь вседержи́тель: áзъ изъя́хъ тя́ от пáствы, егдá послѣ́довалъ еси́ стáду, éже бы́ти тебѣ́ вождéмъ надъ людьми́ мои́ми Изрáилемъ,
и бы́хъ съ тобóю во всѣ́хъ, идѣ́же ходи́лъ еси́, и потреби́хъ вся́ враги́ твоя́ от лицá твоегó, и сотвори́хъ тебѣ́ и́мя я́коже и́мя вели́кихъ, и́же на земли́:
и дáхъ мѣ́сто лю́демъ мои́мъ Изрáилю, и насади́хъ я́, и обитáютъ въ нéмъ, и не возскорбя́тъ ктомý: ни сы́нове беззакóнiя приложáтъ смири́ти и́хъ я́коже от начáла
и от днíй, въ ня́же дáхъ судiи́ лю́демъ мои́мъ Изрáилю, и смири́хъ вся́ враги́ твоя́, и возращý тя, и дóмъ сози́ждетъ ти́ Госпóдь:
и бýдетъ егдá испóлнятся днíе твои́ и почíеши со отцы́ твои́ми, и воздви́гну сѣ́мя твоé по тебѣ́, éже бýдетъ от чрéва твоегó, и возстáвлю цáрство егó:
тóй сози́ждетъ мнѣ́ дóмъ, и укрѣплю́ престóлъ егó дáже до вѣ́ка:
áзъ бýду емý во отцá, и тóй бýдетъ мнѣ́ въ сы́на: и ми́лость мою́ не отимý от негó, я́коже отъя́хъ от бы́вшихъ прéжде тебé:
и увѣ́рю егó въ домý моéмъ и во цáрствiи егó дáже до вѣ́ка, и престóлъ егó бýдетъ испрáвленъ до вѣ́ка.
По всѣ́мъ словесéмъ си́мъ и по всемý видѣ́нiю семý тáко глагóлалъ éсть наѳáнъ къ дави́ду.
И прiи́де цáрь дави́дъ, и сѣ́де предъ Гóсподемъ, и речé: ктó éсмь áзъ, Гóсподи Бóже мóй? и чтó дóмъ мóй, я́ко возлюби́лъ мя́ еси́ до вѣ́ка?
и сiя́ мáла сýть предъ тобóю, Бóже, и глагóлалъ еси́ на дóмъ рабá твоегó [ещé] издалéча, и призрѣ́лъ еси́ на мя́ я́ко видѣ́нiе человѣ́ка, и возвы́силъ мя́ еси́, Гóсподи Бóже:
чтó приложи́тъ ещé дави́дъ къ тебѣ́ éже прослáвити? и ты́ рабá твоегó вѣ́си:
Гóсподи, рабá твоегó рáди сотвори́лъ еси́ всé вели́чiе сié и по сéрдцу твоемý, éже знáема сотвори́ти вся́ вели́чiя твоя́:
Гóсподи, нѣ́сть подóбенъ тебѣ́, и нѣ́сть Бóга рáзвѣ тебé, по всѣ́мъ ели́ка слы́шахомъ уши́ма нáшима,
и нѣ́сть, я́коже лю́дiе твои́ Изрáиль, язы́къ ещé на земли́, я́ко пóйде Бóгъ избáвити лю́ди себѣ́, éже положи́ти и́мя себѣ́ вéлiе и слáвное, éже изгнáти от лицá людíй твои́хъ, и́хже избáвилъ еси́ от Еги́пта, язы́ки:
и дáлъ еси́ лю́ди твоя́ Изрáиля тебѣ́ въ лю́ди дáже до вѣ́ка, и ты́, Гóсподи, бы́лъ еси́ и́мъ въ Бóга:
и ны́нѣ, Гóсподи, слóво твоé, éже глагóлалъ еси́ рабý твоемý и на дóмъ егó, да увѣ́рится до вѣ́ка: и сотвори́ я́коже глагóлалъ еси́,
и да увѣ́рится и возвели́чится и́мя твоé дáже до вѣ́ка, глагóлющихъ: Гóсподи, Гóсподи вседержи́телю, Бóже Изрáилевъ, и дóмъ дави́да рабá твоегó да бýдетъ испрáвленъ предъ тобóю:
ты́ бо, Гóсподи Бóже мóй, отвéрзлъ еси́ ýхо рабá твоегó создáти емý дóмъ, сегó рáди обрѣ́те рáбъ твóй [дерзновéнiе] моли́тися предъ лицéмъ твои́мъ:
и ны́нѣ, Гóсподи, ты́ еси́ сáмъ Бóгъ, и глагóлалъ еси́ къ рабý твоемý благáя сiя́:
и ны́нѣ начни́ благослови́ти дóмъ рабá твоегó, да бýдетъ во вѣ́ки предъ тобóю: я́ко ты́, Гóсподи, благослови́лъ еси́, и благослови́ во вѣ́ки.

Первая Паралипоменон, 18

И бы́сть по си́хъ, и порази́ дави́дъ иноплемéнники, и прогнá и́хъ: и взя́ гéѳъ и вéси егó от руки́ иноплемéнничи.
И порази́ дави́дъ Моáва, и бя́ху Моави́ти раби́ дави́ду принося́ще емý дáнь.
И порази́ дави́дъ Адраазáра царя́ сýвска во Емáѳѣ, идýщу емý постáвити рýку свою́ надъ рѣкóю Евфрáтомъ:
и взя́ от негó дави́дъ ты́сящу колесни́цъ и сéдмь ты́сящъ кóнникъ и двáдесять ты́сящъ мужéй пѣшцéвъ, и разби́ дави́дъ вся́ колесни́цы, и остáви от ни́хъ стó колесни́цъ, [и́хже удержá себѣ́].
И прiи́де Си́ръ от Дамáска, да пóмощь дáстъ Адраазáру царю́ сýвску, и порази́ дави́дъ от Си́ровыхъ двáдесять двѣ́ ты́сящы мужéй:
и постáви дави́дъ стрáжу въ сирíи, я́же бли́зъ Дамáска, и бя́ху дави́ду въ рабы́ принося́ще дáни: и спасé Госпóдь дави́да во всѣ́хъ, въ ни́хже хождáше.
И взя́ дави́дъ гри́вны златы́я, и́хже имѣ́ша раби́ Адраазáровы, и принесé я́ во Иерусали́мъ.
И изъ метавéѳа и от избрáнныхъ градóвъ Адраазáровыхъ взя́ дави́дъ мѣ́ди мнóго зѣлó, изъ нея́же сотвори́ соломóнъ мóре мѣ́дяно, и столпы́, и сосýды мѣ́дяныя.
И услы́ша Ѳóа цáрь Емáѳскiй, я́ко порази́ дави́дъ всю́ си́лу Адраазáра царя́ сýвска,
и послá Адурáма сы́на своегó къ царю́ дави́ду, да вопрóситъ егó, я́же о ми́рѣ, и благослови́ти егó о сéмъ, я́ко побѣди́ Адраазáра и порази́ егó, понéже мýжъ проти́венъ бя́ше Ѳóа Адраазáру.
И вся́ сосýды златы́я и срéбряныя и мѣ́дяныя, и сiя́ освяти́ цáрь дави́дъ Гóсподу со сребрóмъ и злáтомъ, я́же взя́ от всѣ́хъ язы́къ, от Идумéи и Моáва, и от сынóвъ Аммóнихъ и от иноплемéнникъ и от Амали́ка.
Авéсса же сы́нъ сарýiевъ порази́ Идумéю во юдóли слáнѣй, осмьнáдесять ты́сящъ:
и постáви во юдóли стрáжу, и бѣ́ша вси́ Идумéане раби́ дави́ду. И спасáше Госпóдь дави́да во всѣ́хъ, въ ни́хже хождáше.
И воцари́ся дави́дъ надъ всѣ́мъ Изрáилемъ, и бѣ́ творя́ сýдъ и прáвду всѣ́мъ лю́демъ свои́мъ.
Иоáвъ же сы́нъ сарýiевъ [бы́сть] надъ вóинствомъ, и Иосафáтъ сы́нъ Ахилýдовъ памятопи́сецъ,
и садóкъ сы́нъ Ахи́товъ и Авимелéхъ сы́нъ Авiаѳáровъ свящéнницы, и сусá книгóчiй,
и ванéа сы́нъ Иодáевъ надъ хереѳíемъ и надъ фелеѳíемъ: сы́нове же дави́довы пéрвiи преéмницы царéвы.

Первая Паралипоменон, 19

И бы́сть по си́хъ, ýмре Наáсъ цáрь сынóвъ Аммóнихъ, и воцари́ся Амáмъ сы́нъ егó вмѣ́сто егó.
И речé дави́дъ: сотворю́ ми́лость со Анáномъ сы́номъ Наáсовымъ, я́коже сотвори́ отéцъ егó ми́лость со мнóю. И послá дави́дъ послы́ на утѣшéнiе емý о отцѣ́ егó. И прiидóша óтроцы дави́довы въ зéмлю сынóвъ Аммóнихъ ко Анáну, да утѣ́шатъ егó.
И рекóша начáлницы сынóвъ Аммóнихъ ко Анáну: едá прославля́я дави́дъ отцá твоегó предъ тобóю, послá къ тебѣ́ утѣ́шители? никáко: но да испытáютъ грáдъ и согля́даютъ зéмлю, прiидóша къ тебѣ́ óтроцы егó.
И взя́ Анáнъ рабóвъ дави́довыхъ, и обри́ и́хъ, и отрѣ́за от ри́зъ и́хъ полови́ну дáже до чрéслъ, и отпусти́ и́хъ.
И прiидóша возвѣсти́ти дави́ду о мужéхъ: и послá во срѣ́тенiе и́мъ, я́ко бы́ша обезчéщени зѣлó. И речé цáрь: сѣди́те во иерихóнѣ, дóндеже возрастýтъ брады́ вáшя, и возвратитéся.
И ви́дѣша сы́нове Аммóни, я́ко посрáмлени бы́ша лю́дiе дави́довы, и послá Анáнъ и сы́нове Аммóни ты́сящу талáнтъ сребрá, да нáймутъ себѣ́ от сирíи Месопотáмски, и от сирíи маáха, и от сýвы колесни́цы и кóнники:
и ная́ша себѣ́ три́десять двѣ́ ты́сящы колесни́цъ и царя́ маáха и людíй егó: и прiидóша и ополчи́шася пря́мо ми́давѣ: и сы́нове Аммóни собрáшася от градóвъ свои́хъ и прiидóша на брáнь.
И услы́ша дави́дъ, и послá Иоáва и всé вóинство си́льныхъ.
И изыдóша сы́нове Аммóни и ополчи́шася на брáнь при вратѣ́хъ грáдскихъ: цáрiе же пришéдшiи ополчи́шася осóбно на пóли.
И ви́дѣ Иоáвъ, я́ко бы́сть на негó проти́вное лицé брáни сопреди́ и созади́, и избрá от всѣ́хъ ю́ношъ Изрáилевыхъ и устрóи и́хъ проти́ву Си́ра,
и остáнокъ людíй дадé въ рýцѣ брáту своемý Авéссѣ, и ополчи́шася проти́ву сынóвъ Аммóнихъ.
И речé: áще укрѣпи́тся Си́ръ пáче менé, тó бýдеши мнѣ́ во спасéнiе: áще же сы́нове Аммóни укрѣпя́тся пáче тебé, тó áзъ спасý тя:
мужáйся, и укрѣпи́мся о лю́дехъ нáшихъ и о градѣ́хъ Бóга нáшего, и Госпóдь, éже блáго предъ очи́ма егó, сотвори́тъ.
И ополчи́ся Иоáвъ и вси́ лю́дiе, и́же съ ни́мъ, проти́ву Си́рянъ на брáнь, и побѣгóша от ни́хъ.
Сы́нове же Аммóни ви́дѣша, я́ко побѣгóша Си́ряне, и побѣгóша и они́ от лицá Авéссы и от лицá Иоáва брáта егó, и внидóша во грáдъ: Иоáвъ же возврати́ся во Иерусали́мъ.
И ви́дѣ Си́ръ, я́ко побѣди́ егó Изрáиль, и послá послы́: и изведóша Си́ра, и́же бѣ́ за рѣкóю, Софáкъ же первоначáлникъ ты́сящникомъ си́лы Адраазáровы предъ ни́ми.
И возвѣщéно бы́сть дави́ду, и собрá вéсь Изрáиль, и прéйде Иордáнъ, и прiи́де на ни́хъ, и ополчи́ся проти́ву и́хъ: и ополчи́ся дави́дъ проти́ву Си́ра на брáнь и воевá нáнь.
И убѣжé Си́ръ от лицá Изрáилева, и уби́ дави́дъ от Си́ра сéдмь ты́сящъ колесни́цъ и четы́редесять ты́сящъ пѣшцéвъ, и Софáка первоначáлника си́лы уби́.
И ви́дѣша раби́ Адраазáровы, я́ко падóша от лицá Изрáилева, и прибѣгóша къ дави́ду, и служáху емý: и не восхотѣ́ Си́ръ помогáти сынóмъ Аммóнимъ ктомý.

Первая Паралипоменон, 22

Речé же дави́дъ: сé éсть дóмъ Гóспода Бóга, и сéй олтáрь на всесожжéнiя Изрáилю.
И речé дави́дъ собрáти вся́ пришéлцы, и́же на земли́ Изрáилевѣ, и постáви каменосѣ́чцевъ сѣщи́ кáменiя тéсаная, да сози́ждется дóмъ Бóжiй.
Желѣ́зо же мнóго на гвóзди двéремъ и вратóмъ на спая́нiе уготóва дави́дъ, и мѣ́ди мнóжеству не бѣ́ числá:
и древáмъ кéдровымъ не бѣ́ числá: я́ко принесóша Сидóняне и ти́ряне дрéвъ кéдровыхъ мнóжество дави́ду.
И речé дави́дъ: соломóнъ сы́нъ мóй дѣ́тищь млáдъ, дóмъ же éже созидáти Гóсподеви въ вели́чество высóко, во и́мя и въ слáву во всю́ зéмлю, уготóвлю емý. И уготóва дави́дъ [всегó] мнóжество прéжде скончáнiя своегó.
И призвá дави́дъ соломóна сы́на своегó и заповѣ́да емý, да сози́ждетъ дóмъ Гóсподу Бóгу Изрáилеву.
Речé же дави́дъ къ соломóну: чáдо, мнѣ́ бя́ше въ сéрдцы, да сози́жду дóмъ и́мени Гóспода Бóга моегó:
и бы́сть слóво Госпóдне ко мнѣ́, глагóлющее: мнóги крóви пролiя́лъ еси́ и мнóги брáни сотвори́лъ еси́, не сози́ждеши дóму и́мени моемý, я́ко мнóги крóви пролiя́лъ еси́ на зéмлю предо мнóю:
сé, сы́нъ роди́тся тебѣ́, сéй бýдетъ мýжъ покóя, и упокóю егó от всѣ́хъ врáгъ егó о́крестъ, занé соломóнъ и́мя емý, и ми́ръ и покóй дáмъ емý надъ Изрáилемъ во дни́ егó:
тóй сози́ждетъ дóмъ и́мени моемý, и тóй бýдетъ мнѣ́ въ сы́на, и áзъ бýду емý во отцá: и испрáвлю престóлъ цáрства егó во Изрáили до вѣ́ка:
ны́нѣ ýбо, сы́не мóй, бýдетъ Госпóдь съ тобóю и благопоспѣши́тъ, и сози́ждеши дóмъ Гóсподу Бóгу твоемý, я́коже глагóла о тебѣ́:
да дáстъ же тебѣ́ премýдрость и рáзумъ Госпóдь и да укрѣпи́тъ тя́ надъ Изрáилемъ, éже храни́ти и твори́ти закóнъ Гóспода Бóга твоегó:
тогдá благопоспѣши́тъ, áще сохрани́ши твори́ти зáповѣди и судьбы́, я́же повелѣ́ Госпóдь Моисéови, [да учи́тъ] Изрáиля: мужáйся и крѣпи́ся, не бóйся, нижé устраши́ся:
и сé, áзъ по убóжеству моемý уготóвахъ на дóмъ Госпóдень злáта талáнтовъ стó ты́сящъ, и сребрá ты́сяща ты́сящъ талáнтовъ, мѣ́дь же и желѣ́зо, емýже нѣ́сть вѣ́са, понéже мнóжество éсть, и древá и кáменiя уготóвахъ, и къ си́мъ да приложи́ши:
и съ тобóю Госпóдь, и приложи́ши ко мнóжеству творя́щихъ дѣлá, худóжницы, и строи́телiе кáменiй, и древодѣ́ле, и вся́къ мудрéцъ во вся́цѣмъ дѣ́лѣ,
въ злáтѣ и сребрѣ́, въ мѣ́ди и желѣ́зѣ нѣ́сть числá: востáни ýбо и твори́, и Госпóдь съ тобóю.
И повелѣ́ дави́дъ всѣ́мъ начáлникомъ Изрáилевымъ, да помогáютъ соломóну сы́ну егó, глагóля:
не Госпóдь ли съ вáми? и дадé вáмъ покóй о́крестъ, занé дадé въ рýки вáшя живýщихъ на земли́, и покорéна земля́ предъ Гóсподемъ и предъ людьми́ егó:
ны́нѣ ýбо дади́те сердцá вáша и дýшы вáшя éже взыскáти Гóспода Бóга вáшего, и востáните и созидáйте святы́ню Гóсподу Бóгу вáшему, да внесéтся кивóтъ завѣ́та Госпóдня и сосýды святы́я богови въ дóмъ созидáемый и́мени Госпóдню.

#ДаниилСысоев #СвященноеПисание #миссия

Даниил Сысоев

Книга Паралипоменон

Comments