Святого апостола Павла послание к Ефесянам

Ефес – митрополия (главный город) Малой Азии; он чтил, как высшую, богиню Артемиду, и в честь ее был там величественнейший и прекраснейший храм, который был уважаем всеми эллинами, но особенно ефесянами; так что Ефес даже назывался служителем Артемиды, как это сказано в книге Деяний (Деян.19:35). В Ефесе очень долго жил евангелист Иоанн, сосланный сюда, и здесь умер. И Тимофея там оставил Павел учителем; знаменитейшие из философов также жили в нем. Итак, поскольку этот город был так набожен и так славился мудрецами, то Павел с особенным старанием пишет к ефесянам и поверяет им самые глубокие и возвышенные мысли, как уже получившим оглашение. Пишет же это полное возвышенных мыслей послание из Рима, где находился в узах. Поэтому и нам нужно особенное внимание, чтобы понять заключающиеся в нем тайны.

К Ефесянам, 1

• Пáвелъ, послáн­никъ Иисýсъ Христóвъ вóлею Бóжiею, святы́мъ сýщымъ во Ефéсѣ и вѣ́рнымъ о Христѣ́ Иисýсѣ:

• благодáть вáмъ и ми́ръ от­ Бóга Отцá нá­шего и Гóспода Иисýса Христá.

• Благословéнъ Бóгъ и Отéцъ Гóспода нá­шего Иисýса Христá, благослови́вый нáсъ вся́цѣмъ благословéнiемъ духóвнымъ въ небéсныхъ о Христѣ́,

• я́коже избрá нáсъ въ нéмъ прéжде сложéнiя мíра, бы́ти нáмъ святы́мъ и непорóчнымъ предъ ни́мъ въ любви́,

• прéжде нарéкъ нáсъ во усыновлéнiе Иисýсъ Христóмъ въ негó, по благоволéнiю хотѣ́нiя сво­егó,

• въ похвалý слáвы благодáти сво­ея́, éюже облагодáти́ нáсъ о воз­лю́блен­нѣмъ:

• о нéмже и́мамы избавлéнiе крóвiю егó, и оставлéнiе прегрѣшéнiи, по богáт­ст­ву благодáти егó,

• ю́же пре­умнóжилъ éсть въ нáсъ во вся́цѣй премýдрости и рáзумѣ,

• сказáвъ нáмъ тáйну вóли сво­ея́ по благоволéнiю сво­емý, éже прéжде положи́ въ нéмъ,

• въ смотрéнiе исполнéнiя времéнъ, воз­глави́ти вся́ческая о Христѣ́, я́же на небесѣ́хъ и я́же на земли́ въ нéмъ:

• въ нéмже и наслѣ́дницы сотвори́хомся, прéжде наречéни бы́в­ше по прозрѣ́нiю Бóжiю вся́ дѣ́й­ст­ву­ю­щаго по совѣ́ту вóли сво­ея́,

• я́ко бы́ти нáмъ въ похвалéнiе слáвы егó, прéжде уповáв­шымъ во Христá:

• въ нéмже и вы́, слы́шав­ше слóво и́стины, благовѣ­ст­вовáнiе спасéнiя нá­шего, въ нéмже и вѣ́ровав­ше знáменастеся Дýхомъ обѣтовáнiя святы́мъ,

• и́же éсть обручéнiе наслѣ́дiя нá­шего, во избавлéнiе снабдѣ́нiя, въ похвалý слáвы егó.

• Сегó рáди и áзъ слы́шавъ вáшу вѣ́ру о Христѣ́ Иисýсѣ и любо­́вь, я́же ко всѣ́мъ святы́мъ,

• не престаю́ благодаря́ о вáсъ, поминáнiе о вáсъ творя́ въ моли́твахъ мо­и́хъ,

• да Бóгъ Гóспода нá­шего Иисýса Христá, Отéцъ слáвы, дáстъ вáмъ Дýха премýдрости и от­кровéнiя, въ познáнiе егó,

• просвѣщéн­на очесá сéрдца вá­шего, я́ко увѣ́дѣти вáмъ, кóе éсть уповáнiе звáнiя егó, и кóе богáт­ст­во слáвы достоя́нiя егó во святы́хъ,

• и кóе преспѣ́ющее вели́че­с­т­во си́лы егó въ нáсъ вѣ́ру­ю­щихъ по дѣ́й­ст­ву держáвы крѣ́пости егó,

• ю́же содѣ́я о Христѣ́, воскреси́въ егó от­ мéртвыхъ и посади́въ одеснýю себé на небéсныхъ,

• превы́ше вся́каго начáл­ст­ва и влáсти и си́лы и госпóд­ст­ва, и вся́каго и́мене именýемаго не тóчiю въ вѣ́цѣ сéмъ, но и во грядýщемъ:

• и вся́ покори́ подъ нóзѣ егó, и тогó дадé главý вы́ше всѣ́хъ цéркви,

• я́же éсть тѣ́ло егó, исполнéнiе исполня́ющаго вся́ческая во всѣ́хъ.

К Ефесянам, 2

• И вáсъ сýщихъ прегрѣшéньми мéртвыхъ и грѣхи́ вáшими,

• въ ни́хже иногдá ходи́сте по вѣ́ку мíра сегó, по кня́зю влáсти воз­дýшныя, дýха, и́же ны́нѣ дѣ́й­ст­вуетъ въ сынѣ́хъ противлéнiя,

• въ ни́хже и мы́ вси́ жи́хомъ иногдá въ пóхотехъ плóти нá­шея, творя́ще вóлю плóти и помышлéнiй, и бѣ́хомъ есте­с­т­вóмъ чáда гнѣ́ва, я́коже и прóчiи:

• Бóгъ же, богáтъ сы́й въ ми́лости, за премнóгую любо­́вь свою́, éюже воз­люби́ нáсъ,

• и сýщихъ нáсъ мéртвыхъ прегрѣшéньми, сооживи́ Христóмъ: благодáтiю естé спасéни:

• и съ ни́мъ воскреси́, и спосади́ на небéсныхъ во Христѣ́ Иисýсѣ,

• да яви́тъ въ вѣ́цѣхъ грядýщихъ презѣ́лное богáт­ст­во благодáти сво­ея́ благосты́нею на нáсъ о Христѣ́ Иисýсѣ.

• Благодатiю бо естé спасéни чрезъ вѣ́ру: и сié не от­ вáсъ, Бóжiй дáръ:

• не от­ дѣ́лъ, да никтóже похвáлит­ся.

• Тогó бо есмы́ творéнiе, создáни во Христѣ́ Иисýсѣ на дѣлá благáя, я́же прéжде уготóва Бóгъ, да въ ни́хъ хóдимъ.

• Тѣ́мже поминáйте, я́ко вы́, и́же иногдá язы́цы во плóти, глагóлемiи необрѣ́занiе от­ рекóмаго обрѣ́занiя во плóти, рукотворéн­наго,

• я́ко бѣ́сте во врéмя óно безъ Христá, от­чуждéни житiя́ Изрáилева и чýжди от­ завѣ́тъ обѣтовáнiя, уповáнiя не имýще и безбóжни въ мíрѣ:

• ны́нѣ же о Христѣ́ Иисýсѣ вы́, бы́в­шiи иногдá далéче, бли́зъ бы́сте крóвiю Христóвою.

• Тóй бо éсть ми́ръ нáшъ, сотвори́вый обоя́ еди́но, и средостѣ́нiе огрáды разори́вый,

• враждý плóтiю сво­éю, закóнъ зáповѣдiй учéньми упраздни́въ, да óба сози́ждетъ собóю во еди́наго нóваго человѣ́ка, творя́ ми́ръ,

• и при­­мири́тъ обо­и́хъ во еди́нѣмъ тѣ́лѣ богови крестóмъ, уби́въ враждý на нéмъ:

• и при­­шéдъ благовѣсти́ ми́ръ вáмъ, дáльнимъ и бли́жнимъ,

• занé тѣ́мъ и́мамы при­­ведéнiе óбои во еди́нѣмъ Дýсѣ ко Отцý.

• Тѣ́мже ýбо ктомý нѣ́сте стрáн­ни и при­­шéлцы, но сожи́теле святы́мъ и при́снiи Бóгу,

• наздáни бы́в­ше на основáнiи апóстолъ и прорóкъ, сýщу крае­угóлну самомý Иисýсу Христý,

• о нéмже вся́ко создáнiе составля́емо растéтъ въ цéрковь святýю о Гóсподѣ:

• о нéмже и вы́ созидáетеся въ жили́ще Бóжiе Дýхомъ.

К Ефесянам, 3

• Сегó рáди áзъ пáвелъ ю́зникъ Иисýсъ Христóвъ о вáсъ язы́цѣхъ.

• А́ще ýбо {понéже} слы́шасте смотрéнiе благодáти Бóжiя дáн­ныя мнѣ́ въ вáсъ,

• я́ко по от­кровéнiю сказáся мнѣ́ тáйна, я́коже преднаписáхъ вмáлѣ:

• о нéмже {по­ели́ку} мóжете чтýще разумѣ́ти рáзумъ мóй въ тáйнѣ Христóвѣ,

• я́же во инѣ́хъ рóдѣхъ не сказáся сынóмъ человѣ́ческимъ, я́коже ны́нѣ от­кры́ся святы́мъ егó апóстоломъ и прорóкомъ Дýхомъ святы́мъ:

• [я́ко] бы́ти язы́комъ снаслѣ́дникомъ и стѣлéсникомъ и спричáст­никомъ обѣтовáнiя егó о Христѣ́ Иисýсѣ, благовѣ­ст­вовáнiемъ,

• емýже бы́хъ служи́тель по дáру благодáти Бóжiя, дáн­ныя мнѣ́ по дѣ́й­ст­ву си́лы егó.

• Мнѣ́ мéншему всѣ́хъ святы́хъ данá бы́сть благодáть сiя́, во язы́цѣхъ благовѣсти́ти неизслѣ́дован­ное богáт­ст­во Христóво

• и просвѣти́ти всѣ́хъ, чтó éсть смотрéнiе тáйны сокровéн­ныя от­ вѣкóвъ въ Бóзѣ, создáв­шемъ вся́ческая Иисýсъ Христóмъ,

• да скáжет­ся ны́нѣ начáломъ и властéмъ на небéсныхъ цéрковiю многоразли́чная премýдрость Бóжiя,

• по предложéнiю вѣ́къ, éже сотвори́ о Христѣ́ Иисýсѣ Гóсподѣ нá­шемъ,

• о нéмже и́мамы дерзновéнiе и при­­ведéнiе въ надѣ́янiи вѣ́рою егó.

• Тѣ́мже молю́ [вы́] не стужáти си́ въ скóрбехъ мо­и́хъ о вáсъ, я́же éсть слáва вáша.

• Сегó рáди преклоня́ю колѣ́на моя́ ко Отцý Гóспода нá­шего Иисýса Христá,

• изъ негóже вся́ко отéче­с­т­во на небесѣ́хъ и на земли́ именýет­ся:

• да дáстъ вáмъ по богáт­ст­ву слáвы сво­ея́, си́лою утверди́тися Дýхомъ егó во внýтрен­немъ человѣ́цѣ,

• всели́тися Христý вѣ́рою въ сердцá вáша: въ любви́ вкоренéни и основáни,

• да воз­мóжете разумѣ́ти со всѣ́ми святы́ми, чтó широтá и долготá и глубинá и высотá,

• разумѣ́ти же преспѣ́ющую рáзумъ любо­́вь Христóву, да испóлнитеся во вся́ко исполнéнiе Бóжiе.

• Могýщему же пáче вся́ твори́ти по преизбы́точе­ст­вiю, и́хже прóсимъ или́ разумѣ́емъ, по си́лѣ дѣ́й­ст­вуемѣй въ нáсъ,

• томý слáва въ цéркви о Христѣ́ Иисýсѣ во вся́ рóды вѣ́ка вѣкóвъ. Ами́нь.

К Ефесянам, 4

• Молю́ ýбо вáсъ áзъ ю́зникъ о Гóсподѣ, достóйно ходи́ти звáнiя, въ нéже звáни бы́сте,

• со вся́кимъ смиреномýдрiемъ и крóтостiю, съ долготерпѣ́нiемъ, терпя́ще дрýгъ дрýгу любо­́вiю,

• тщáщеся блюсти́ единéнiе дýха въ сою́зѣ ми́ра.

• Еди́но тѣ́ло, еди́нъ дýхъ, я́коже и звáни бы́сте во еди́нѣмъ уповáнiи звáнiя вá­шего:

• еди́нъ Госпóдь, еди́на вѣ́ра, еди́но крещéнiе,

• еди́нъ Бóгъ и Отéцъ всѣ́хъ, и́же надъ всѣ́ми и чрезъ всѣ́хъ и во всѣ́хъ нáсъ.

• Еди́ному же комýждо нáсъ дадéся благодáть по мѣ́рѣ даровáнiя Христóва.

• Тѣ́мже глагóлетъ: воз­шéдъ на высотý, плѣни́лъ еси́ плѣ́нъ, и дадé дая́нiя человѣ́комъ.

• А éже, взы́де, чтó éсть, тóчiю я́ко и сни́де прéжде въ дóлнѣйшыя страны́ земли́?

• Сшéдый, тóй éсть и воз­шéдый превы́ше всѣ́хъ небéсъ, да испóлнитъ вся́ческая.

• И тóй дáлъ éсть о́вы ýбо апóстолы, о́вы же прорóки, о́вы же благовѣ́ст­ники, о́вы же пáстыри и учи́тели,

• къ совершéнiю святы́хъ, въ дѣ́ло служéнiя, въ созидáнiе тѣ́ла Христóва,

• дóндеже дости́гнемъ вси́ въ со­единéнiе вѣ́ры и познáнiя Сы́на Бóжiя, въ мýжа совершéн­на, въ мѣ́ру вóзраста исполнéнiя Христóва:

• да не бывáемъ ктомý младéнцы, влáющеся и скитáющеся вся́кимъ вѣ́тромъ учéнiя, во лжи́ человѣ́честѣй, въ ковáр­ст­вѣ кóзней льщéнiя:

• и́стин­ству­ю­ще же въ любви́, да воз­расти́мъ въ негó вся́ческая, и́же éсть главá Христóсъ,

• изъ негóже всé тѣ́ло, составля́емо и счинѣвáемо при­­ли́чнѣ вся́цѣмъ осязáнiемъ подая́нiя, по дѣ́й­ст­ву въ мѣ́рѣ еди́ныя ко­ея́ждо чáсти, воз­ращéнiе тѣ́ла твори́тъ въ создáнiе самагó себé любо­́вiю.

• Сié ýбо глагóлю и послýше­ст­вую о Гóсподѣ, ктомý не ходи́ти вáмъ, я́коже и прóчiи язы́цы хóдятъ въ суетѣ́ умá и́хъ,

• помрачéни смы́сломъ, сýще от­чуждéни от­ жи́зни Бóжiя, за невѣ́же­с­т­во сýщее въ ни́хъ, за окаменéнiе сердéцъ и́хъ:

• и́же въ нечáянiе влóжшеся, предáша себé студодѣя́нiю, въ дѣ́ланiе вся́кiя нечистоты́ въ лихо­имáнiи.

• Вы́ же не тáко познáсте Христá:

• áще ýбо {понéже} слы́шасте егó и о нéмъ научи́стеся, я́коже éсть и́стина о Иисýсѣ:

• от­ложи́ти вáмъ, по пéрвому житiю́, вéтхаго человѣ́ка, тлѣ́ющаго въ пóхотехъ прелéстныхъ,

• обновля́тися же дýхомъ умá вá­шего,

• и облещи́ся въ нóваго человѣ́ка, сóздан­наго по Бóгу въ прáвдѣ и въ преподóбiи и́стины.

• Тѣ́мже от­лóжше лжý, глагóлите и́стину кíйждо ко и́скрен­нему сво­емý, занé есмы́ дрýгъ дрýгу ýдове.

• Гнѣ́вайтеся и не согрѣшáйте: сóлнце да не зáйдетъ въ гнѣ́вѣ вá­шемъ:

• нижé дади́те мѣ́ста дiáволу.

• Крады́й ктомý да не крáдетъ, но пáче да труждáет­ся, дѣ́лая сво­и́ма рукáма благóе, да и́мать подáяти трéбу­ю­щему.

• Вся́ко слóво гни́ло да не исхóдитъ изъ ýстъ вáшихъ, но тóчiю éже éсть благо къ создáнiю вѣ́ры, да дáстъ благодáть слы́шащымъ.

• И не оскорбля́йте Дýха святáго Бóжiя, и́мже знáменастеся въ дéнь избавлéнiя.

• Вся́ка гóресть, и гнѣ́въ, и я́рость, и кли́чь, и хулá да вóзмет­ся от­ вáсъ, со вся́кою злóбою:

• бывáйте же дрýгъ ко дрýгу блáзи, милосéрди, прощáюще дрýгъ дрýгу, я́коже и Бóгъ во Христѣ́ прости́лъ éсть вáмъ.

К Ефесянам, 5

• Бывáйте ýбо подражáтели Бóгу, я́коже чáда воз­лю́блен­ная,

• и ходи́те въ любви́, я́коже и Христóсъ воз­люби́лъ éсть нáсъ, и предадé себé за ны́ при­­ношéнiе и жéртву Бóгу въ воню́ благо­ухáнiя.

• Блýдъ же и вся́ка нечистотá и лихо­и́м­ст­во нижé да именýет­ся въ вáсъ, я́коже подобáетъ святы́мъ:

• и сквернослóвiе, и буеслóвiе, или́ кощýны, я́же неподóбная, но пáче благодарéнiе:

• сié бо да вѣ́сте, я́ко вся́къ блудни́къ, или́ нечи́стъ, или́ лихо­и́мецъ, и́же éсть идолослужи́тель, не и́мать достоя́нiя въ цáр­ст­вiи Христá и Бóга.

• Никтóже вáсъ да льсти́тъ сýетными словесы́, си́хъ бо рáди грядéтъ гнѣ́въ Бóжiй на сы́ны непокори́выя.

• Не бывáйте ýбо сопричáстницы си́мъ.

• Бѣ́сте бо иногдá тмá, ны́нѣ же свѣ́тъ о Гóсподѣ: я́коже чáда свѣ́та ходи́те:

• плóдъ бо духóвный éсть во вся́цѣй благосты́ни и прáвдѣ и и́стинѣ:

• искушáюще, чтó éсть благо­угóдно богови:

• и не при­­общáйтеся къ дѣлóмъ неплóднымъ тмы́, пáче же и обличáйте.

• Бывáемая бо о́тай от­ ни́хъ, срáмно éсть и глагóлати.

• Вся́ же обличáемая от­ свѣ́та я́вляют­ся, всé бо явля́емое свѣ́тъ éсть:

• сегó рáди глагóлетъ: востáни, спя́й, и воскресни́ от­ мéртвыхъ, и освѣти́тъ тя́ Христóсъ.

• Блюди́те ýбо, кáко опáсно хóдите, не я́коже немýдри, но я́коже премýдри,

• искýпу­ю­ще врéмя, я́ко днíе лукáви сýть.

• Сегó рáди не бывáйте несмы́слен­ни, но разумѣвáйте, чтó éсть вóля Бóжiя.

• И не упивáйтеся винóмъ, въ нéмже éсть блýдъ: но пáче исполня́йтеся Дýхомъ,

• глагóлюще себѣ́ во псалмѣ́хъ и пѣ́нiихъ и пѣ́снехъ духóвныхъ, воспѣвáюще и пою́ще въ сердцáхъ вáшихъ Гóсподеви,

• благодаря́ще всегдá о всѣ́хъ о и́мени Гóспода нá­шего Иисýса Христá Бóгу и Отцý,

• повинýющеся дрýгъ дрýгу въ стрáсѣ Бóжiи.

• Жены́, сво­и́мъ мужéмъ повинýйтеся, я́коже Гóсподу,

• занé мýжъ главá éсть жены́, я́коже и Христóсъ главá цéркве, и тóй éсть спаси́тель тѣ́ла:

• но я́коже цéрковь повинýет­ся Христý, тáкожде и жены́ сво­и́мъ мужéмъ во всéмъ.

• Мýжiе, люби́те своя́ жены́, я́коже и Христóсъ воз­люби́ цéрковь, и себé предадé за ню́,

• да освяти́тъ ю́, очи́стивъ бáнею вóдною въ глагóлѣ:

• да предстáвитъ ю́ себѣ́ слáвну цéрковь, не имýщу сквéрны, или́ порóка, или́ нѣ́что от­ таковы́хъ, но да бýдетъ свя́та и непорóчна.

• Тáко дóлжни сýть мýжiе люби́ти своя́ жены́, я́ко своя́ тѣлесá: любя́й [бо] свою́ женý, себé самáго лю́битъ.

• Никтóже бо когдá свою́ плóть воз­ненави́дѣ, но питáетъ и грѣ́етъ ю́, я́коже и Госпóдь цéрковь:

• занé ýди есмы́ тѣ́ла егó, от­ плóти егó и от­ костéй егó.

• Сегó рáди остáвитъ человѣ́къ отцá сво­егó и мáтерь, и при­­лѣ́пит­ся къ женѣ́ сво­éй, и бýдета двá въ плóть еди́ну.

• Тáйна сiя́ великá éсть: áзъ же глагóлю во Христá и во цéрковь.

• Обáче и вы́, по еди́ному кíйждо свою́ женý си́це да лю́битъ, я́коже [и] себé: а женá да бо­и́т­ся [сво­егó] мýжа.

К Ефесянам, 6

• Чáда, послýшайте свóихъ роди́телей о Гóсподѣ: сié бо éсть прáведно.

• Чти́ отцá тво­егó и мáтерь: я́же éсть зáповѣдь пéрвая во обѣтовáнiи:

• да блáго ти́ бýдетъ, и бýдеши долголѣ́тенъ на земли́.

• И отцы́, не раздражáйте чáдъ сво­и́хъ, но воспитовáйте и́хъ въ наказáнiи и учéнiи Госпóдни.

• Раби́, послýшайте госпóдiй [сво­и́хъ] по плóти со стрáхомъ и трéпетомъ, въ простотѣ́ сéрдца вá­шего, я́коже [и] Христá,

• не предъ очи́ма тóчiю рабóта­ю­ще я́ко человѣко­угóдницы, но я́коже раби́ Христóвы, творя́ще вóлю Бóжiю от­ души́,

• со благоразýмiемъ служáще я́коже Гóсподу, а не [я́ко] человѣ́комъ,

• вѣ́дяще, я́ко кíйждо, éже áще сотвори́тъ благóе, сié прiи́метъ от­ Гóспода, áще рáбъ, áще свобóдь.

• И госпóдiе, тáяжде твори́те къ ни́мъ, послабля́юще [и́мъ] прещéнiя, вѣ́дуще, я́ко и вáмъ самѣ́мъ и тѣ́мъ Госпóдь éсть на небесѣ́хъ, и обиновéнiя лицá нѣ́сть у негó.

• Прóчее же, брáтiе моя́, воз­могáйте во Гóсподѣ и въ держáвѣ крѣ́пости егó:

• облецы́теся во вся́ орýжiя Бóжiя, я́ко воз­мощи́ вáмъ стáти проти́ву кóзнемъ дiáволскимъ,

• я́ко нѣ́сть нáша брáнь къ {проти́ву} крóви и плóти, но къ начáломъ, и ко властéмъ [и] къ мiродержи́телемъ тмы́ вѣ́ка сегó, къ духовóмъ злóбы поднебéснымъ.

• Сегó рáди прiими́те вся́ орýжiя Бóжiя, да воз­мóжете проти́витися въ дéнь лю́тъ и вся́ содѣ́яв­ше стáти.

• Стáните ýбо препоя́сани чреслá вáша и́стиною, и обóлкшеся въ броня́ прáвды,

• и обýв­ше нóзѣ во уготóванiе благовѣ­ст­вовáнiя ми́ра:

• надъ всѣ́ми же воспрiи́мше щи́тъ вѣ́ры, въ нéмже воз­мóжете вся́ стрѣ́лы лукáваго разжжéн­ныя угаси́ти:

• и шлéмъ спасéнiя воспрiими́те, и мéчь духóвный, и́же éсть глагóлъ Бóжiй:

• вся́кою моли́твою и молéнiемъ моля́щеся на вся́ко врéмя дýхомъ, и въ сié и́стое бдя́ще во вся́комъ терпѣ́нiи и моли́твѣ о всѣ́хъ святы́хъ

• и о мнѣ́, да дáст­ся ми́ слóво во от­верзéнiе ýстъ мо­и́хъ, съ дерзновéнiемъ сказáти тáйну благовѣ­ст­вовáнiя,

• о нéмже посóл­ст­вую во ýзахъ, да въ нéмъ дерзáю, я́коже подобáетъ ми́ глагóлати.

• Да увѣ́сте же и вы́, я́же о мнѣ́, чтó дѣ́лаю, вся́ скáжетъ вáмъ тихи́къ, воз­лю́блен­ный брáтъ и вѣ́ренъ служи́тель о Гóсподѣ,

• егóже послáхъ къ вáмъ на сié и́стое, да увѣ́сте, я́же о нáсъ, и да утѣ́шитъ сердцá вáша.

• Ми́ръ брáтiи и любо­́вь съ вѣ́рою от­ Бóга Отцá и Гóспода Иисýса Христá.

• Благодáть со всѣ́ми лю́бящими Гóспода нá­шего Иисýса Христá въ неистлѣ́нiи. Ами́нь.

#ДаниилСысоев #миссия #СвященноеПисание